Balad-xaawo,(WNT):-Saraakiil ka tirsan Culuma'udiinka Ahlu sunna Waljamaaca ayaa shaaca ka qaaday in dhawaan duulaan ku yihiin gobolka Geddo.

Gudoomiyaha Culuma'udiinka Ahlu sunna ee Gobolka Geddo Sheekh C/raxmaan Al-Ansaari oo warbaahinta la hadlay ayaa sheegay in ciidamadooda u diyaar garoobeen sidii weerar kula wareegi lahaayeen gobolka Geddo.

Sheekh C/raxmaan ayaa sheegay in haatan diyaaro garoowgaasi u soo gaba gaboowday isla markaana dhawaan duulaankaasi qaadi doonaan sida uu hadalka u dhigay.

Waxaa uu carabka ku adkeeyay in rajo wanaagsan ka qabaan in ay gacanta ku dhigaan guud ahaan gobolka Geddo.

Sheekh C/raxmaan ayaa beeniyay in dagaalka ay gobolka ku qaadayaan ku gacan siin doonaan ciidamo Ethiopian ah.

Lama oga sida ay ciidamada Ahlu sunna kula wareegi doonaan gobolka Geddo oo haatan ka arimiyaan Maamulo kala taabacsan xarakada Al-shabaab iyo Ururka xisbul islaam.

Xafiiska Wararka Waayaha.net,Muqdisho.