Boosaaso (WNT)Marka la eego guud ahaan gobollada Puntland wax walbaa waa geba gabo oo waxay u eg yihiin inay iska soo dhamaadeen marka dhinac kasta laga eego heerka xumaata sida ammaan darrada iyo dhaqaale xumida waxaanse isagu gabin qalinka oo weli wareegtooyin uu dad ku magacaabyo soo saaraya M/weyne Cadde Muuse Boqor.
Waxaa inta miyirka qabtaa is weydiinaysaa ragga intaas la magacaabayo xaggee loo magacaabayaa mar haddii aysan jirn hay’ad maanta si toos ah waajibkeeda u gudan kartaa maamulka Cadde Muuse?, fowdaduna gaartay meeshii ugu saraysay,qof shaqaale ah oo mishaar qaataana uusan jirin.
Waxaa dadka la yaab ku noqotay kolkii qaybo ka mid ah wasiirada Cadde Muuse oo uu ka mid yahay wasiirkiisa maaliyada Max'ed Cali Yuusuf (Gaa gaab), wasiiru Dawlaha Madaxtooyada iyo xariirka caalamigha Cali Cabdi Awaare iyo Amniga C/llaahi Siciid Samatar, la sheegay inay ka arinsanayeen sidii sicir bararka loo xadidi lahaa iyo sidii ammaanka wax looga qaban lahaa,waxaa lays weyiinayaa haddii dadku gobolku uu yahay mucsur aan waxba qabsan karin iskana rogi karin belada ku dul habsatay ma ka xishoon waayeen dul joogta fiirinaysa talaaba kasta oo ay qaadaan.
Ammaanka
Ammaarada waa heerka ugu liita tan iyo in la yag leelay maamulka Puntland waxaana muwaadin kastaa ku hamiyaa salaada subax ama tan cishaha hadii aad aadid armaa jidka laguu gala oo naftaada aad weydaa wax qaato sida Mobile iyo saacad yeelkoode,Laascaanoodna mar horaa la ilaawey oo waa tii dabayaaqadii Deyrii dhoweyd uu qaatay maamulka Soomaaliland.
Waxaa iyana taas dheer qaraxyo lala beegsanayo hadba meeshii la doono oo aan cid loo qabtaa jirin,iyadoo weliba dadka gobolku og yihiin cida arimnahaas ka danbysa,waxaana xusid mudan in guud ahaan dhacdooyinkaan laga soo min guuriyey koonta Soomaaliya laakiin waxay la saan qaadeen oo ay ka mid yihiin dhaxalka uu ta tegi doono Cadde muuse Boqor hadiiba uu yeelo in hal mar dadka uu dhinac u dhaafo.
Sicir Bararka
Waxaa lagu sameeyaa magaalada Boosaaso lacagaha been abuurka halka lagu magacaabo Guatanamo ,waxaana si sidoo kale sidii xoon shiniyaad ugu soo dega isla magaallada Boosaaso diyaarado sida lacago la soo sameeyey guud ahaan waxaa lacagahani lagu xaalufiyaa boqonko biilka ee dan yarta dibadaha loo soo diro haddana waxay ka arin sanyaan sidii sicir bararka sidii loo joojin lahaa cajiib! Xaggee iska daba marsan tahay maxaa haray oo ay ka arin sanayaan.
Waa debigii ugu weynaa ee laga galo bulsho adduunkaan aynu saaranahay ku nool,iyadoo weliba Cadde uu toos ah u qirtay inuu leeyahay makiinado lacagta u sameeya,waxaase qaadan waa ah nimankan u bareeray denbiga intaas leeg inay gabaan in xataa ay mishaarooyinka oo siin waayaan shaqaalaha u shaqeeya iyaga iyo weliba ciidankii ammaanka u sugi lahaa.
Waxaana gaajo kala huleelay guud ahaan shaqaalihii hay;adaha kala duwan ee maamulka iyadoo lacagaha kolkii ay xaalufiyaan iyadoo doolar ah gastaan dalka isu taga imaaraadka carabta,u daranaa waa waxaysan raandhiis danbe ka lahayn.
Saxaafadda
Waxaa taas ka sii daran saxaafada ka hawl gasha gobollada Puntland oo iyadu laftigeedu caado ka dhigatay inay dadka u garba duuban mushkilada maamulku ku hayo oo run ekaysiiya mu,aamarada ay walaaqayaan xinjira dhuuqyada sida bareerka ah denbiga uga galay bulshada Puntland ee nabsigu u hoyday una harlay.
Inkastoo saxaafada qaar aan la eedayn karin sida SBC oo iyada uu leeyahay mid ka mid kuwa taariikhdu ka sheekayn doonto waa Cali Cabdi Awaaree oo isagu u sargooyo waxaa ay wiilshadu sheegi lahaayeen haddana waxaa arintii isugu soo biyo shubatay in Cawaale Jaamac Salaad oo kaliya uu ka haddlo dhacdooyinka gobolka oo weliba aan isaga la garan karin in arintiisu aargoosi ay ka madax banaan tahay maadaama muddo uu xaq daro ugu xiraa maamulkaas.
Maxaa la gudboon saxaafada?
Waxaa xil ka saaran yahay suxufiga dhawrista iyo ilaalinta muwaadin kastaoo isaga warkiisa ama akhriya dhegaysta oo ay ka mid yihiin kuwa danbiilayaasha ah waxaana la doonayaa in dhacdo kasto runteeda loo tago iyadoo laga eegayo danta guud caddaalladana la dhawrayo oo laga fogaanayo wixii xaqdaro keeni kara.
Mararka qaarkood waxaa jirta arin dan guud ah oo aan la shaacin karin haddii suxufigu uu u arko inay bur bur horseedi karto ama naftiisa halis ku tahay,laakiin mar walba waa inuu tashi kala sameeyaa tafaftiraha wararka hay’adiisa iyo shaqsiyaadka kale ee iyagu cabiri kara waxaa ka iman kar dhacdadaan.
Waxaa maanta dawladaha aduunka hogaanka haya waa saxaafada laakiin waxay gaareen heer bisayl dhaaf ah oo ay farta ugu yeeraan M/weyna yaasha adduunka ugu awooda badan laakiin waxaa ka mamnuuc ah weriyuhu inuusan xadka dhaafin oo uusan geli wixii shaqdiisa ka baxsan haddii kale waxaa uu mudan karaa shaqdiisa uu waayo,sharf darri iyo weliba inuu ciqaab muto.
Maxaa la guddboon dadka reer Puntland
Kacdoon! laakiin waa kacdoon nooc ma ah?,mid ay ku diidan yihiin dhibta xoogga badan ee u gaystay maamulkani fikirkoodana si saliim ah ay ugu cabirayaan iyadoon wax yeelo jirin,sida kacoonada Yurub ee loogu magac daro gaduudka iyo Jaalaha iyadoon cid wax ku noqotaa aysan jirin balse ay sawiro,calaamado iyo codba ku cabiraan dhita markaas ay tabanayaan, dabadeedna ay ku gaaraan danta ay ka leeyihiin.
Maxaa ka xaaraan ah
Rabsho,tuugo iyo weliba qabyaallada,waxaana ay meel uga soo wada jeensanayaan ninkii lagu qabto isagoo xumaan faraha kula jira maadaama meesha laga saarayo xumaan gaamurtay.
Gunaanad
Marka gunta iyo dhumacda hadalka loo tago ayaa weli Cadde uusan gabin qalinka oo waxaa uu isu ekaysiinayaa isaga iyo wasiiradiisu weli wax uun hawl ah inay hayaan waxaase u eg kuwo la rogayo dadka gobolka haddii aysan sida ugu dhaqso badan isaga qabadan belaayadan ku dul habsatay ee dhiigooda dhuuqaya.
Xarunta wararka Waayaha.net
editor@waayaha.net
Cudurdaar:Shabakada Waayaha.net waxay raali galin ka bixinaysaa magaca Wariyaha Cawaale Jaamac Salaad ee maahan Ayaanle.
