Sida la wada ogsoonyahay Besha Ciise Max’ud waxay ka mid tahay beel weynta Harti ee dagta Gobolada Puntland,Jubaland,gaar ahaana Beesha Ciise Max’ud waxay si gaara u dagtaa meelo ka mid ah ah gobolka Bari,Sida Boossaaso,Baayla iyo Qardho,
Beeshu sidoo kale waxay dagtaa gobolka Nugaal gebi ahaanba iyo gobolka Mudug,sidoo kale waxay Maajoorati ka tahay dadka dega Jubbada hoose,gaar ahaan Kismaayo,Buula iyo Xeebta dheer ee Kismaayo ilaa xuduudka Kenya,iyadoo ah Soomalida aagaas dagta
75%.
Beesha Ciise Max’ud waxay leedahay Hogaan dhaqan oo ka kooban ISlaan,Suldaan iyo Waliba Nabadoonka guud ee Jubadda Hoose,Beeshu waxay kale oo ay leedahay in ka badan 37Nabadoon iyo Caaqil.
Beesha Ciise Max’ud waxay kale oo ay can ku ahayd inay ka mid ahayd Xildhibaandii Somalida ee xilliyadii 1954-1969-kii ,kuwaas oo kala ahaa Xaaji Aden,Xaaji Max’ud Cabdulle,Xaaji Abshir,Xaajamac Aw-Nuur,Xirsi Bulxan,Max’ed Cali Dacar,Max’ed Ciise Wacays(Xiiray),Axmed Ceegaag,Diiriye Muuse Matan oo ka iman jiray dhinaca gobolada Puntland.
Dhinaca Juballand waxay Beeshu ku lahayd Xildhibaan Max’ed Mire,Max’ud Ciise
Dhalacadde iyo Ismacil Xaaji Warsame.
Beesha ayaa sidoo kale Cuqaal iyo waxgarad ku lahayd gobolada kale oo Somaliya Sida gobolka Galguduud oo uu joogay Xaaji Cilmi,Gobolka Hiiraan Yuusuf Ismaciil,Gobolka Banaadir Sheikh Xassan Lugay,Gobolka Bakool Xaaji Noor Daarood kuwaas oo u dhignaa Heer Harti iyo Daarood weynaba.
Hadaba waxaan umadda Somaliyeed u sheegay in beesha deegaanka iyo baaxada intaas la eg leh,aan dhismaha dowlada FKMG ah ay ka waydo wax Saami ah,aysan ahayn wax qabta.
Beeshu Xukuumadii horena way ku xaqinayd oo kama aysan helin wax u dhigma cadadka iyo balaarka deegaanka ay leedahay,wayna ku samirtay kuna aamusnayd hadii xal Somaaliyeed lagu gaarayo,waxaase layaab iyo fajiciso noqotay in sadkii ay awalba quursanaysay hadda ay waydo,sidaas Darteed waxaan u sheegaynaa umadda Somaliyeed dhamaanteed in manta wixii ka danbeeya aysan beeshu ka mid ahayn DFKMG ah,Kalsoonidiina ay kala noqotay,cidii ay wax kala galaana ay si toos ah ugala soo xiriiri karayaan hogaanka dhaqanka ee Beesha,C/laahi Yuusufna uusan Beeshaas Matalin,wuxuu la yimaado khayr iyo Sharba ay isaga u gaar tahay.
Col.C/laahi Yuusuf iyo Gen.Cadde ayaa iyagu ku shirkoobay in Wixii Mansab iyo Maal ah ee ka soo baxa labada Maamul ee Federalka iyo Puntland ay afka u dhigtaan,waxayna u dhiibteen si laysu aamino laba nin oo midba midka kale ay jifi hoose isla yihiin,Tusaale ahaan Gaagaab oo C/laahi Yuusuf Adeer u yahay,(Reer Mahad Cumar Max’ed)wuxuu hayaa Wasaarada Maaliyada Puntland,halka Max’ed Yuusuf ay Gen.Cadde isku jifi yihiin(Bah Dir C-Max’ud)taas oo u muuqata qayb xaaraan ah oo aan israaci Karin,aysana ka dhex heli Karin Besha,Daarood,Harti,Majeerteen,iyo waliba Max’ud Saleebaan midna.
Beesha Ciise Max’ud waxaa kale oo layaab ku noqotay khayaanadii uu C/laahi yuusuf ka samaynayey gobolka Jubadda hoose,ka dib markii ay xooga kusoo galeen Malayshiyo beeleedka doolka ah ee u habsaday magaalada Kismaayo,isagoo mar walba ka hor istaagi jiray waxii qaban qaabo,abaabul iyo diyaar garow ah oo beelaha weynta Harti ay ku doonayeen in magaalada ay dib ula soo noqdaan,isagoo kuna andacoon jiray ama ku hoodadayn jiray in isagu uu jac la maaganyahay,anaa qabanaya dowlad baan ahay,dab kalaa igu shidan iigu kaadsha,taas oo u muuqata diidmo dabdan oo kursigiisa uu ku xajisanayo.
Gen Cadde iyo Col.C/laahi Yuusuf ayaa waxay kale oo ay isku ahaysteen,burburinta Puntland,sida Dhaca,khiyaanada,xaalufinta dhaqaale ee bad iyo birriga iyo iibinta dhulka SOOL,SANAAG iyo CAYN,ku darsashada hal sano oo aan Dastuurka waafaqsanayn oo isaguna khiyaano ah,iyagoo ku doonaya xoolo gurasho iyo xukun aan cago adag ku taagnayn,kaas oo aan haysan kalsoonida shacabka Puntland iyo kan Somaliyeed intaba.
Gadashada Siyaasadeed ee gobolada Sool Sanaag,Cayn iyo waliba jubada hoose waa mid ay ka midaysan yihiin labadan nin ee Gen.Cadde iyo Col.C/laahi Yuusuf.
Hadaba waxaan ugu baaqaynaa Shacabka gobolada Puntland iyo Jubbaland inay isugu yimaadaan Shirar deg deg ah oo laggaa arrinsanayo aayaha deegaanadooda iyo
kalsoonida lagu sii qabi karo Cadde iyo C/laahi.
Beeshu waxay haatan ku guda jirtaa shirar muhiim ah oo ay kaga
arrinsanayso,arrimahaas madowga weyni hareeyey,Waxayna shirar ku qaban doontaa dalka gudihiisa iyo dibadiisaba,waxayna shir weyn ku yeelanayaan khadka telefoonka ee loo yaqaan (Teleconference) Maalinta Axadda ee fooda inakusoo haysa.
Waxaana la ogaysiinaya aciida ay qusayso inay wixii faah faahinta kala xiiriraan
Emailo sireeda Beesha.
Waad Mahadsantihiin.
A.H.Mohamed.
Deeble72@hotmail.com
Afeef maqaalkani ka turjumi mayo shabakada wararka Waayaha.net, waxaa iska leh qoraaga ku saxiixan
