Muqdish(WNT)-R/Wasaare ku xigeenka Turkiga Bekir Bozdag oo ay weheliyaan xubno ka tirsan Golaha wasiirada Turkiga iyo saraakiil kale ayaa maantaad soo gaaray magaalada Muqdisho,iyadoo halkaas oo ay si diiran ugu soo dhaweeyeen Wasiirro iyo saraakiil ka tirsan Dowladda Soomaaliya oo ay hogaaminaysay R/wasaare Ku xigeenka ahna wasiirka arrimaha dibadda Fowsiya Yuusuf xaaji.

Wefdigaan ayaa la geeyey geeyay xarunta madaxtooyada Villa Soomaaliya,iyagoo dhowaan kulamo la qaadanaya Raysal-wasaare Saacid iyo Madaxweyne Xasan Shiikh Maxamuud.

 Weli ma cadda sababta dhabta ah ee wafdigaani u yimaadeen,waxaa dalka Turkiga safka hore kaga jiraa dawladaha daneeya arrimaha Soomaaliya, hase ahaatee R/wasaare ku xigeenka Turkiga ayaa ah madaxa Turkiga u qaabilsan Barnaamijka lagu gar-gaarayo Soomaliya isagoo dhowr jeer oo hore soo booqday magaalada Muqdisho.

Waxaa la filayaa bisha June 2013  in dalka Turkiga lagu qabto shir lagaga hadlayo dib u dhiska dalka Soomaaliya,iyadoo dalka Turkigu uu mashaariic xooggan kla wado magaalada Muqdish.

Xafiiska wararka Waayaha.net