Muqdisho(WNT)-Gudoomiyaha gobolka Bay C/fitaax Maxamed Geeseey oo dhowaan Dowlada FS Xilka ka qaadey ayaa wararka imaanaya gobolka Bay waxay sheegayaa in ay ciidamada nabad sugidu ka kaxaysteen gurigiisa oo ku yaal Baydhabo, waxaana lagu xirey xabsi ku yaal magaalada Muqdisho, arintaan ayaa ka careysiisey dadweynaha ku dhaqan gobolka Bay.

Bishii hore ayaa amar uu soosaarey guddoomiyaha golaha Baarlamaanka oo xiligaa matalayay Madaxweynaha waxay xilkii ka xayuubiyeen C/fitaax Maxamed Geeseey in kastoo arintaas uu sharci daro ku tilmaamey , wuxuuna intaasi raaciyey guddoomiye Geeseey ineysan Dastuuri ahayn in Dowlada dhexe soo fara galiso maamulka Gobolka Bay, Shacabkuna xor u yihiin doorashada maamulkii ay doonayaan.  

Dowlada ayaa geed dheer iyo mid gaabanba u fuushay sidii ay u samayn lahayn maamulo iyada hoos yimaada oo laga soo magacaabay magaalada Muqdisho halkii ay garab siin lahayn sida dastuurku qabo in la sameeyo maamul  goboleedyo.

Xafiiska wararka Waayaha.net