Muqdisho,(WYHN):- Kulan balaaran oo ay shalay  beesha Harti Abgaal ku yeelatay magaalada Muqdisho ayaa beeshu cabasho ka muujisay sida uu madax-weyne Xasan SHiikh Max'uud Calasow ugu tagri falayo awoodda xafiiska, waxayna ku eedeeyeen inuu garab maray sidii ay ahayd in beelaha Soomaaliya awoodda siyaasadda qaynuun ahaan loogu qaybiyo.

Beesha ayaa sidaasoo kale waxay si gaar ah farta ugu fiiqeen in mashruuc ay gacanta ku haysay shirkadda Al-waxdda oo dib loogu dhisi lahaa hotel-adii waaweynaa ee dowladda ee burburay uu ka qaaday shirkadaas hadana uu rabo inuu ku wareejiyo shirkad kale iyadoo aan wax sabab ah la sheegin, waxayna beesha xustay in shirkadda Al-waxdda uu siiyay mashruuca dib u dhisidda hotel-adaas  madax-weynihii  hore ee DFKMG ahaa SHiikh SHariif Axmed.

Beesha ayaa sidoo kale sheegtay in madax-weynaha uu si bareer taladii dalka gacanta ugu geliyay koox gaar ah oo aysan magacaabin, waxayna sheegeen in kooxdaas ay madax-weynaha xagaa fikirka isku mid ka yihiin isaga,  kuwaasoo sida aad moodo ku fekeraya inay iyaga keliya inay iyaga keliya xukunka dalka hayaan waligood.

Aqri Qoraalkii: