Muqdisho,(WNT):-Gudoomiyihii hore ee Baarlamaanka Somalia Sheekh Aadan Maxamed Nuur(Madoobe)ayaa ka digay lagu deg dago Maamul u sameynta Gobolada Jubooyinka.

Sheekh Aadan Madoobe oo warbaahinta la hadlay ayaa sheegay in isagu fikir ahaan qabin in haatan si dhaqsi ah Goboladaas maamul loogu sameeyo.

"waxaan qabaa in aan lagu deg dagin maamul u sameynta Gobolada Jubooyinka"ayuu yiri Aadan Madoobe.

Sheekh Aadan Madoobe ayaa sheegay in uu la kulmay xubnaha ku howlan Maamul u sameynta Gobolada Jubooyinka isla markaana ka codsaday in aan arintaas lagu deg dagin.

Isaga oo intaasi ku daray in fikirka uu u jeediyay qaar badan oo ka mid ah soo dhaweeyeen isla markaana rajeynayo in uu dhaqna galo.

23-ka bishan ayaa lagu wadaa in uu qabsoomi shir looga hadlayo Maamul u sameynta Gobolada Jubooyinka.

Xafiiska Wararka Waayaha.net,Muqdisho.