Dallada Culimadda Soomaaliyeed oo maalmihii la soo dhaafay shirar kala duwan ku lahaa magalada Garoowe,ayaa maanta 19 February,2013 ugu danbayntii shirarkaasi ka soo saaray bayaan qodobaysan,taasoo intiisa badan looga hadlayay dilka Shiikh Cabdiqaadir Nuur Faarax allaha u naxariistii iyo cida dishay.

 Shirkaan jaraa'id ayay ku qabteen culimadda Soomaaliyeed Jaamacada Bariga Africa faraceeda Garowe,waxana bayaanka warbaahinta u akhriyay Shiikh Axmad Cabdisam C/dulle,wuxuna sheegay marka hore culimadda Soomaaliyeed inay ka xun yihiin dilkii Shiikh Cabdiqaadir Nuur Faarax,ayna ku dhiiro galinayaan shacabka Soomaaliyeed inay hal meel uga soo wada jeestaan gacant ku dhigista dadka cadowga ku ah Diinteena islaamka.

 Qodobada ku qoran bayaan ayaa waxaa ka mid ahaa dilalka kooxda shabab inaysan meelna kasoo galin iyo jihaadka ay sheeganayaan Diinta islaamka,wuxu sheegay Shiikh Axmad inay isku danbi yihiin kan wax dila,qariya,dhaqaale ku bixiya iyo wax ka og,waxayna sidoo kale culimadu sheegen inay muhiim tahay sidii looga soo wada jeesan lahaa falalka foosha xun oo ay kooxda maleeshiyaadka ah ee shabab shacabka ku hayaan.

 Mamuladda dalka ka jiraa ayay ugu baaqeen inay xooga saaraan sidii culimada loo  ilaalin lahaa ammaankooda,ayna shirar kala duwan oo looga hadlayo dilalka culimada qabtaan.dowladda fadaraalka Soomaaliya,Somaliland iyo Puntland ayay ku amaaneen qaabka wanaagsan ee ay uga hadleen dilkii Shiikh Cabdiqaadir Nuur Faarax.

 Shirwayne guud oo soomaaliwayn ay ka soo qayb galeen ayay culimaddu ugu baaqeen dowladaha dalka ka jira iyo sidoo kale Shacabka muslimka ah inaysan wax garab walaaltinimo aysan siin,kooxaha dilalka iyo dhibka ku haya,umadda soomaaliyeed.

Waayaha.net,Garoowe