Ciidamada maamulka KMG ee magaalada Kismaayo ayaa howlgal
ballaaran oo ay xalay ka sameeyeen qabo ka mid ah xaafadaha magaalada ka soo
qab-qabtay rag hubeysan oo la sheegay in ay ka tirsanyihiin ururka Al-shabaab.
Taliyaha ciidamada maamulka degmada Kismaayo Max’uud Khaalid
oo la hadlay warbaahinta ayaa sheegay in howlgalladaas ay xalay ka sameeyeen
xaafadda Guulwade ee magaalada Kismaayo ay ku soo qabteen 3 nin oo hubeysan.
Khaalid ayaa intaasi ku daray in raggaan ay soo qabteen ay
ka tirsanyihiin Al-shabaab islamarkaasna ay qeyb ka ahaayeen falalka ammaan
darro ee ka dhaca magaalada, waxaana ragaan la soo qab qabtay lagu xiray
saldhigga dhexe ee degmada Kismaayo.
Shalay ayey ahayd kolkiia magaalada Kismaayo lagu dilay
askari ka tirsanaa ciidamada maamulka KMG ee degmada Kismaayo, iyadoo aan ilaa hadda
la garanayn cidda ka danbeeysay dilkiisa,waxaanalasheegay in kooxahaasi qaateen
hubkii uu askarigaasi sitay xaafadda Faanoole.
Magaalada Kismaayo
ayaa tan intii ciidamadani la wareegeen ayaa waxaa yaraa dilalka,iyadoo taasi
lagu tilmaamay aqoonta ciidamadani u leeyihiin xarakada Al-shabaab maadaama ay
muddo dheer wada shaqayni ka dhexaysay.
Xafiiska wararka
Waayaha.net
