Haweeney u dhalatey dalkaas Ingiriiska ayaa waxaa la sheegay inay hab fool xun oo la yaab leh oo aan horeyna loo arkin ay xiriirka ugu jartey nin ay is jeclaayeen oo ay  saaxiib ahaayeen mudana ay wada socdeen iyadoona .

Haweeneydaan oo magaceeda ku soo koobtey Laura ayaa waxaa la sheegay inay saaxiibkeed oo lagu magacaabo Dan oo ay wada socdeen ay kaga naxsatey inay xiriirkii u jartey iyadoo walibana ku soo beegtay maalinta Jacaylka aduunka ee Valentine Day, Haweeneydaan ayaa waxay sameysay arin la yaab leh oo ah inay kireysatay mid ka mid ah boorarka lagu qoro xayeysiinta ee kaalinta shidaalka ama baasiinlaha Esso ee magaalada Manchester gaar ahaana boor ama tabeele ku yaala meel u dhow halka uu ninka saaxiibkeed ah uu u soo qado tago maalin kasta,  hadaba haweeneydaan ayaa waxay ku qortey boorkaas oo far waaweyn ah sidatan (  Dan, waan kaa tagay oo waxaan raacay ninka lagu magacaabo Gary, dharkaagii waxaan kuugu dhiibay hooyadaa oo guriga waxba kaama yaalaan, sidoo kale waxaan badalay furayaashii guriga, waan ka xumahay inay arintaan ay ku soo hagaagto ama ay ku soo beeganto maalinta jacaaylka Laura ayey hadalkkeedii ku soo gabagabysay haweeneydaas.

Ugu dambeyntiina iyadoo ninkaas miskiinka ah ay fariintaas ku noqon doonto uur ku taalo ayaa arinta ay haweeneydaas ku kacday waxay noqotey tan ugu hadal heynta badan gaar ahaan baraha internetka arimaha bulshada dadka qaar ayaa waxay sheegeen in qof aad jeceshahay uu ku ceyriya waa wax laga xumaado laakiinse waxaa ka sii daran in lagugu bahdilo goobta aad u nasasho tagto oo aad u doonatid inaad shaqadaada kaga soo nasato arintaas ayaa ah mid aad looga xumaado, ISidoo kale dadka qaar oo ka muujiyey jiritaanka arintaas ayaa waxaa arintaas xaqiijiyey milkiilayaasha boorkaas Amscreen aabaha lagu magacaabo Sir Alan Sugar iyo wiilkiisa Simon Sugar oo labada ku soo bandhigay arintaas bogooda Twitterka, Boorkaas ayaa waxaa la sheegay in lagu kireysan karo lacag gaareyso ilaa iyo 75 euro bishiiba.

Halkaan ka daawo : http://www.youtube.com/watch?v=ge0RMwhoVUk

Abdirizak M. (Xiireey)

Holland

Abdirizakxiireey@hotmail.com