Bismillaahi Raxmaani Raxiim
Asalaamu Calaykum Waraxmatullaahi Wabarakaatuhu
Salaanta islaamka kadib waxaan marka kowaad tacsi tiiraanyo
leh u dirayaa guud ahaan shacabka Soomaaliyeed iyo kan Islaamka ah
meelkastoo ay ku
sugan yihiin. Gaar ahaana waxaan bulashada reer Puntland iyo khaas ahaan qoyska
iyo qaraabadii uu ka tagay
Illaahay haw
naxariistee AL-Shahiid Sheekh Cabdulqaadir Nuur Faarax oo maanata oo ahayd
15.02.203 ay gacanta mujrimada ahi
dilka foosha xun ugu
gaysatay magaalada Garoowe gaar ahaana Masaajidka AL-BADAR isagoo tukanayoo
Rabbigiis u sujuudsan.
Marxuumkana waxaan
Illaahay uga baryayaa inuu Jannadii Firdowsa ugu bishaareeyo oo kitaabkiisa
gacanta midig kasiiyo.
Intaas kabacdina waxaan doonayaa inaan halkaan kusoo gudbiyo
aana idinla wadaago ood ila qaybsataan tixo Maansooyinoo gaagaaban kuwaasoon galabta ku cataabay
qaracankiina la curiyay markii ay isoo gaadhay geeridii naxdinta lahaydoo ku
timid sheekha Illaahay haw raxmadoo
haynaga samirsiiyee.
1: MAANSADII BAROOR
Naf Rabbigu u baaqoo
Ballageedu uu dhacay
La badbaadin maayoo
Ballan weeye way
tagin
Bartii loo badnaa iyo
Bartamaha qabuurtiyo
Beesha uunka hoosoo
Ruuxna baajin maayoo
Baytkeeda way gelin
Iyo barada aakhiro
Waana laga ballamayoo
Boqorkaa go’aanshaye
Ma baqoolay
Sheekhii?? !!!
Shahiidkii miyuu
baxay?? !!!
Walle boohintaaniyo
Baroortiyo dhawaaqiyo
Ba’aydiyo ilamadan
baas
Beerkayga go’aniyo
Boggu kuma bogsanayee
Allow biri magaydada
Bahallada habaarani
Baaska ay ku jiideen
Bidhaantooda adigaa
Boqorow u jeedaye
Soo bal-bali
warkoodoo
Banaankiyo wadada
keen
Oo ceebtooda soo bixi
Isagana baraariyo
Barwaaqada firdowsiyo
Bar-barkii Rasuulkiyo
>>>> Calayhi Salaatu Wasalaam
Bar-baartiyo
saxaabada
Barta ay u hoydaan
Billad wayn ku siiyoo
Jannada ugu
bishaaree—Aamiin aamiin aamiin
2: MAANSADII
SHAAMAREER!
Allaylehe shil baa dhacay
Iyo shaamareer culus
Mar hadduu shareertoo
Shaydaan lasoo diray
Shafka uu ka toogtoo
Sheekhii na bari
jiray
Shiinkii Quraankiyo
Shareecada islaamkoo
Shacabkuba ku noolaa
Uu shahiiday galabtoo
Shiqib lagu
sallidayoo
Ku shabaaxay
dhagar-qabe
Shiishkana la helayoo
Shar-wadeenadii baas
Shirqoolkoodii uu
fulay
Shacabkii
Puntland-now
Shaybkiyo
wax-garadkiyo
Shabbadaha haweenkiyo
Shariifiyo mid
shiqibiyo
Shabaabiyo ciroolaba
Shibbanaanta daayoo
Shirqoolkaan la
dagayiyo
Shabaqaan la
dhigayiyo
Shubida dhiiga
culimada
Shahiidoo ka
dhiidhiya
Sheekadaana daba gala
Shux-shux dooni maynee
Shayaadiinta soo xira
Sheelo geliya tuugada
Shullahooda hoosiyo
Halka laga shitaaroo
Shalmadu ay u taaliyo
Shirwadeenka maamula
Shaalka uu hagoogtiyo
Shaashkuu madaxa
saartiyo
Shareerkaba ka fiiqoo
Shaxda keena idilkood
Sharcigana la
tiigsada
Shan shan tiirka ugu
xira
Shakhsina yuu ka
fiigine
Halla shiido duulkaas
Shufna gabi halaga
dhigo
Shacabkii Puntland-now
Sharaftiina dhowrtoo
Shaydaamada ha
qarinina
Shaaciyoo akhbaaraha
War na shaafinaayoo
Shiisha beerka
gaadhiyo
Shanshadaan na
jabaniyo
Wadnaha shiilmay
dhaydoo
Ciilka naga
shaxeexdoo
Shuuqinaysa boogtiyo
Shuftadoo la dabar
jaro
Dhakhso uga shaqeeyoo
Deg deg noogu sheegoo
Shirka keena guushoo
Sheekadu fogaatoo
Sheekh Cabdulqaadir
dabadiis
Shay la sugo ma
laabnee
Shibbanaanta daayoo
Shacabow dhamaan kaca
Shacabow dhamaan kaca
3: MAANSADII RAXMAD
LAAWAYAAL
Rabbi baa u jeedoon
Ruux ka dhuuman karinine
Ha rafaadsho duulkaas
Raxmad laawayaasha ah!
Rubbadii na gooyoo
Ruugagii na jabiyoo
Wadnihii na ruxanyoo
Culimadii rigaaxoo
Rarfaad nagu abuuree
Raxmaanow Raxiimow
Haku raajin dunidee
Rabbiyow kuwaas qabo
Raaxo yaysan aragoo
Rug islaam ku hoyanine
Ruux ruux usoo dabar
Raamo khayr ha
siinine
Rabbiyow kuwaas laa’
Aakhirana rug baasiyo
Rarankii cadaabtiyo
Raarteeda Jahanama
Rasmi uga dhig abidoo
Raxmadaada geediyo
Rako dheer ka saaroo
Rajiimkii Ib-liiskiyo
Raxantiisa shaydaan
Rugta ay u hoydaan
Rabbiyow kuwaas gee
Ray-rayn ha siinine
Rugtaan maanta joogniyo
Raarta aakhiraadiyo
Rabbiyow agtaadiyo
Raxmaan labada daarood
Rafaad ugu bishaaree
Oo Rabbiyow ciqaab geli
Reer Caadkii hoogiyo
Thamuudkii la rogay iyo
Racii aad halaagtiyo
Reer banuu Israa’iil
Rafiiq uga dhig Eebbow
Raaxo yay dareemine
Rasuulkana ka dheeree
>>>> Calayhi Salaatu Wasalaam
Raxmaanow ha saacidin
Raar dheer ka saaroo
Towbad hawgu roonaan
Rifqina hawgu deeqine
Raxmadaada gees mari
Oo Rabbiyow ciqaab geli
Aamiin aamiin aamiin
Qore: Safiyo Aw Axmed
Xaaji Yuusuf (dhalkheyr)
E-mail: dhalkheyr@hotmail.com
Daabacaadda Waayaha.et
