Waxaa maanta magaalada Bosaso lagu diley Suldaan Muuse Faarax Muuse oo ahaa suldaanka mid ka mid bebeelaha ugu waaweyn beelaha gobolka Bari.

Goobjoogayaal ayaa sheegay inay dilka  geysteen laba dhalinyaro ah oo soo xirtey tuutaha ciidamada ka dibna ay halkaasi isaga carareen kolkii ay dilka gaysteen,iyadoo dilku ka dhacay bartamaha suuqa magaalada Boosaaso oo ay socdaan hawlihii ganacsigu.

Suldaanka la dilay ayaa 15-kii sano ee u danbeysey ka shaqeynayey arrimaha nabadda iyo wada noolanshaha bulshada Puntland, waxa uu ahaa nin afgaaban isla markaana lagu yaqaano illaah ka cabsi fara badan.

Illaa hadda ma cadda sababta dhabta ah ee ka danbaysa dilka marxuumka,waxaa la sheegay in raad joogo kooxihii dilka gaystay.

Xafiiska wararka Waayaha.net