London(WNT)-Shaki weyn ayaa hareeyey imaatinka madaxweynaha Soomaaliya safar shaqsi ah uu ku imaan lahaa dalka Ingiriiska,ka dib markii wafdiga madax weynaha ee ku sugan dalka Biljam lagu war geliyey inay socdaan qaban qaabo xooggan oo la doonayo in lagu muda haraado.

Warar ku dhow dhaw wafdiga madax weynaha ayaa noo xaqiijiyey in dad taageerayaal u ah madax weynaha ay ka bexeen dalka ingiriiska ugana tageen dalka Biljamka iyagoo ku war gelinaya in xaalladu aysan sahlaneyn diyaar garowna loo jiro sidii loogu mudaharaadi lahaa.

Arrintaan ayaa waxay keentay shaki weyn oo ku aadan in madax weynuhu yimaado dalka Ingriiska,waxana weli dhab loo caddayn imaatinka madaxweynaha.

Qorshaha ayaa awal ahaa inuu yimaado 3-da bisha fooda inagu soo haysa,4 bishana uu hadal ka jeedo aqalka Chatham house hase ahaatee arrintan ayaa weli caddayn.

Ururo iyo guud ahaa jaaliyadda Soomaaliyeed ee ku dhaqan dalkan Ingriiska ayaa diyaar garow xooggan ugu jira sidii ay ugu mudahaardi lahaayeen madaxweyne Xasan Sheekh Max’ud,iyagoo taasi ku sababeeyey inuu ka hor yimid dastuurkii lagu doortay ee ku dhaartay.

Dhowaan ayey ahayd kolkii madaxweynuhu uu boogday gobolka Soomaalidu aadka ugu madan tahay ee Minnesota ,halkaasi oo uu soo dhoweyn iyo mudaharaad labada kala kulmay,waxana taasi dakhar weyn ku tahay madax weynaha curdinka ee dhowaan xilka qabtay oo siyaasadiisa tafsiir la akhrin kari waayey uu dul saaran yahay,iyadoo inta badan loo aaneynayo inuusan daacad ka ahayn dastuurkii lagu soo doortay.

Xafiiska wararka Waayaha.net