Gaalkacayo(WNT)-Howl gal xooggan oo Ciidamada dowlada Puntland ay ka sameeyeen deegaano hoostaga degmada Jariiban ee Gobolka Mudug,iyadoo ujeedada gowl galkaani ahaa sidii loola dagaalami lahaa kooxaha Burcad badeeda Soomaalida,waxaana ciidamada badda Puntland ku guuleesteen in ay gacanta ku soo dhigaan ku dhawaad 10 nin oo la sheegay in ay ka tirsanyihiin kooxaha Burcad badeeda Soomaalida islamarkaana ay Jiraan dhibaatooyin muddooyinnkii ugu dambeeyay ay ka wadeen isla degnadaasi.

Ciidamada badda Puntland ayaa ku guuleystey in ay gacanta ku soo dhigaan 10kaasi qof ee lagu eedeenaayo Burcad Badeednimada,iyadoo la sheegay in raggaasi doonayeen in halkaasi ay ka galaan Xeebta Garacad ee Maamulka Puntland si ay afduubtaan Maraakiibta shisheeye ee  ku safraya biyaha badda Soomaaliya.

Saraakiil u hadashay ciidamada badda Puntland ayaa warbaahinta u sheegay in kooxahani gacanta lagu soo dhigay badankooda ay ku xiran yihiin hadda xabsiga dhexe ee magaalada Gaalkacyo ee xarunta gobolka Mudug.

Madaxda ciidamada badda Puntland ayaa intaasi raaciyey inuu sii socon doono hawl galada lagu dirirayo kooxha burcad badeeda ah,si loo xidida siibo kooxahan oo ku badan deegaan garacad ilaa meel sidaas uga fogayn degmada Eyl.

Xafiiska wararka Waayaha.net