Ururka  Al-shabaab ayaa welu ku adkeysanaya  oo sheeganaya inay  gacanta ku hayaan ninkii ay horay u haysteen ee Farnasiiska ahaa ee Dennis Allex oo uu noolyahay, kaddib markii ay ciidamada Faransiiska ee sida gaarka u tababaran ay ku  guul daraysteen inay xoog ku furtaan.

Warsaxaafadeed uu soo saaray ururka Al-shabaab ayey ku sheegeen in Allex uu ku jiro weli gacantooda, ayna go'aan ka gaari doonaan noloshiisa laba casho, iyadoo dhankoodana dowladda Faransiisku ay sheegayso Dennis Allex lagu dilay howlgalkii ka dhacay deegaanka Buulo-Mareer.

"Sarkaalka Faransiiska ah weli gacanteenna ayuu ku jiraa, labada maalmood ee soo socdana go'aan ayaan ka gaari doonnaa noloshiisa," ayey  ku yiraahdeen war saxaafadeedkooda ururka ay Al-shabaab .

Dhinaca dawlada Soomaaliya ayaa warbixin ka soo baxday waxaa lagu sheegay in howgalkaas lagu guul daraystay laakiin uu geeriyooday Dennis Allex.

Dadka deegaanka ayaa laga soo xigtay in la haystaha faransiiska ahi weli nool yahay loona qaaday dhinaca gobolka Bay.

Waxaa xusid mudan oo la aaminsanayahay  in ururka Al-shabaab arintan aysan ka been sheegayn ninkana ay weli gacanta ku hayaan.

Xafiiska wararka Waayaha.net