Buulo-mareer(WNT) In la sheegay ilaa 20-qof oo isugu jira dhinacyadii dagaalamay iyo weliba dad shacab ah ayaa ku dhintay dagaal xalay gellinkii dambe ku dhexmaray deegaanka Buulo-mareer ee gobolka Shabeellada Hoose ciidamada dalaayaha ku booda ee  Faransiiska iyo ururka Al-shabaab.

War ay siidaysay wasaaradda gaashaandhigga Faransiiska ayaa  lagu sheegay in laba ka mid ah ciidamadooda si gaarka u taba baran iyo la haystihii ay doonayeen inay soo furtaan ay kaga dhinteen weerarkaas, sidoo kalena ay ku dileen 17 dagaalyahan oo ka tirsan Al-shabaab.

Waxaa kale oo wararku sheegayaan in 6 qof oo shacab ah ayaa sidoo kale ku dhintay dagaalkaas, kuwaas oo la sheegay inay ku jireen haweeney uur leh, cunug yar iyo nin oday ah, iyadoo la sheegay inay dadkaas toogteen ciidamadii dhulka ka dagaalamayay ee Faransiiska ahaa.

Dowladda Faransiiska ayaa sheegtay in Dennis Allex ay dileen xubno ka tirsan Al-shabaab intii uu dagaalku socday,hase ahaatee ururka Al-shabaab ayaa sheegtay inay weli gacanta ku hayaan Allex oo nool yahay saxaafadda u soo bandhigi dooonaan marka ay nabaddu u saamaxdo.

Al-shabaab kama aysan hadlin khasaaraha dhankooda kasoo gaaray dagaalka, iyadoo xaaladda degmada ay caadi kusoo laabatay maanta baqadii dina loo furay ganacsiga.

Saldghiggii Al-shabaab ee weerarka lagu qaaday ayaa gabi ahaanba  burburayi, waxaana weerarkan uu ahaa kii ugu horreeyay oo ay Faransiisku ku qaado saldhig ay Al-shabaab ku leeyihiin Soomaaliya.

Weerarka xalay lagu qaaday ururka Al-shaabaab ayaa waxaa uu yahay mid ay u arkaan inay guulaysteen,mar haddii ay difaacdeen ninkii dowlada Faransiisku doonaysay inay ka furato.

Xafiiska wararka Waayaha.net