Kismaayo(WNT)-Magaalada  xeebta ah ee Kismaayo ayaa waxaa ka socoto qabanqaabadii iyo diyaar garrowgii ugu danbeeysay oo lagu jiro sidii maamul loogu sameyn lahaa gobollada Jubooyinka kaasoo mudooyinkii u danbeeyay uu hakad ku yimid.

Dhowaan ayaa gobolka degmooyinka isaga imaan doona ergooyinka dhisi doona maamulka gobollada Jubbooyinka,iyadoo arrintaan ay sii horrayn doonaan wafdi ballaaran oo ka kooban ilaa 300 xubnood ay booqan doonaan magaalada Muqdisho,kuwaasi oo uu hoominayo guddoomiyaha KMG ah Axmed max’ed Islaan (Axmed Madoobe).

 Maalmihii ugu danbeeyey ayaa waxaa socday qaban qaabada shirkaan iyo siddii ergooyinku ay ku soo aari lahaayeen,magaalada Kismaayo iyadoo wafdiga ugu badani uu ka iman doono magaalada Nairobi ee xarunta dalka Kenya.

Shalay ayey ahayd kolkii kusimaha gudoomiyaha ahna gudoomiye kuxigeenka maamulka KMG Kismaayo Yaasiin Nuur Gaas (Raadeer) oo shir jaraa’id ku qabtay xarunta degmada Kismaayo  uuna ka warbixiyay halka uu marayo shirka maamul u sameynta gobollada Jubooyinka, wuxuuna xusay in ay socoto qabanqaabadii ugu danbeysay ee ku aadan shirkaasi.

Kulankaan ayaa muddo waxaa doca docayney oo diidanaa qabashadii dowlada oo kaashaneysay kooxo ay wakiilatay,waxaase dadka gobollada jubbooyinku go,aansadeen in arrintani tahay mid aan la hor istaagi Karin dadka deegaanku ay ka wada qayb qaadan doonaan.

Xafiiska wararka Waayaha.net