Ciidamada AMISOM ayaa sheegay inay tababarro siinayaan shaqaalaha dowladda aan ciidanka ahayna si ay sare ugu qaaddo aqoonta shaqaalaha kala duwan ee hay’adaha dowladda Soomaaliya,iyagoo arintan ku tilmaamay inay ka mid tahay sababta ay dalka u joogaan.

Sida AMISOM ay sheegtay tabarkaan ayaa waxaa ka faaiidaysanya 120 shaqaale ah oo ay ku jiraan xoghayeyaal, saraakiisha anshaxa iyo maamulayaal, iyadoo dhaqaalaha ku baxaya tababarka ay bixin doonto dowladda Talyaaniga, waxaana bixin doonta tababarka jaamacadda Koonfur Afrika (UNISA).

“Siminnaarka waxaa loo qaybiyay laba waji oo kan hore uu dhici doono 14-ka illaa 20-ka bishan Jannaayo 2013, halka wajiga labaadna uu dhici doono 21-ka illaa 24-ka isla bishan, waxaana tababarradu ay ka dhici doonaan magaalada Bujumbura ee dalka Burundi,”ayaa lagu yiri war saxaafadeed uu ka soo baxay xafiiska AMISOM.  

Arrinta tabarka shaqaalaha dowlada daba socota kulan lagu qabty magaalada Kampala bishii March ee sannadii 2010-kii,oo arintaasi lagu go,aamiyey,waxaan qorshuhu yahay sida la sheegay tayeyta shaqaalaha dawlada.

Waxaa kale iyana war bixntu tilmaantay in arrinta tayeyta shaqaalaha ay qayb ka tahay lixdii qodob ee uu madaxweynaha Soomaaliya ku sheegay in inay ku shaqeynayso dowladda uu hoggaanka u hayo.

 Ciidamada AMISOm ayaa ka sokow la dagaalkan ururka Al-shabaab waxay haddana tabarro ciidan siiyeen ciidamada qalabka sida ee Soomaaliya.

Xafiiska wararka Waayaha.net