Muqdisho(WNT)-Xukuumada Soomaaliya ayaa faah faahin ka bixisay kulan ballaaran oo lagaga hadlayay howl galka AMISOM ee ka  dhacay magaalada Muqdisho ,kaasi oo ay ka qayb galeen madaxda dowlada Soomaaliya.Wasiirka arrimaha gudaha Soomaaliya C/kariin Xuseen Guuleed ayaa sheegay in waxyaabihii ka soo baxay kulanka ay ka mid ahaayeen sidii howl galka AMISOM iyo ciidamada qalabka sida ka wadaan dalka ay hogaankeeda la wareegto dowladda Soomaaliya.

Guuleed ayaa intaasi ku daray in qorshahaan la horgayn doono shirka golaha ammaanka ee Qaramada Midoobay, maadaam ciidanada AMISOM ay Soomaaliya u joogaan inay cgacan siiyaan dowlada Soomaaliya.

C/kariin Xuseen Xuseen Guuleed  Gudaha ayaa sidoo kale sheegay in shirka Midowga Afrika ee Addis Ababa lagaga hadli doono qaabka howl galka AMISOM ee Soomaaliya.

Ciidamada AMISOM ayaa Soomaaliya yimid sanadkii 2007-dii, waxaana waqtigaasi ay ahaayeen Nabad ilaaliyn inkastoo ay markii danbe isu badaleen kuwo howl gallo ka sameeya gudaha dalka dalka Soomaaliya gaar ahaan magaalada Muqdisho iyo xawaaxigeeda.

Ciidamada AMISOM ayaa haatan waxay si toos ah u la fal gala ciidamada  dowlada Soomaaliya waxayna ka taageeraan dhinaca la dagaalnka Al-Shabaab iyo waliba dhinaca  sugida ammaanka.

 Xafiiska wararka Waayaha.net