London, UK : Xafiiska Ergada Dowlad Goboleedka Puntland ee
soomaaliyeed ay ku leedahay dalka Boqortooyada Ingiriiska(UK) ahna xafiiska
isku xira Jaaliyada iyo Dowlad Goboleedka Puntland oo Kaashanaya Ururka
Jaaliyada Haweenka Puntland ee ku nool dalka Ingiriiska ayaa soo dhaweyn diiran
iyo marti gelin u sameeyey Prof. Dr Mohamed Jamac oo Booqasho shaqo ku martayey
Qaarada Yurub oo uu ka mid yahay Dalkan Ingiriisku.
Ugu horeytiina furitaanka waxaa ka Hadley Madaxda Xafiiska
Ergada Dowlad Goboleedka Puntland ee Soomaaliyeed ee dalkan Ingiriiska oo kala
ah Madaxa Xafiiska Prof Cabdulqadir Faarax Jibriil iyo ku xigeenkiisa
Cabdiqasim Maxamed Xassan ayagoo soo dhaweyn diiran oo Walaaltinimo ku dheehan
tahay ku soo dhaweeyey Prof. Dr. Mohamed Jamac kana sheegay goobta sida uu
Ummadiisa ay daashadeen dhibka dagaalada,Abaaraha iyo dib u dhacu uu ugu hagar
baxo , asagoo u huray Aqoontiisii, naftiisa qaaliga ahayd iyo Waqtigii uu
noloshiisa ku shaqeysan laha ama uu ku nasan lahaa u hibeeyey Dadkiisa iyo
Dalkiisa , lagana rabo qof kasta oo Aqoonyahan
iyo hogaamin leh sidaas iyo si la mid ah wayna uga mahad celiyeen
howshaas adag ee uu dhexda u xirtey.
Intaas ka dib waxaa hadalkii lagu soo dhaweeyey Prof.
Dr Mohamed Jamac oo ka hadley
marxaladihii kala gedisnaa ee uu soo marey maamulka Puntland intii uu dhisnaa
iyo isbedeladii ay mareysay dhinacyada Siyaasada, Dhaqaalaha & Ganacsiga, Horumarka(dhanacyada
Caafimaadka & Waxbarashada), Amniga & Nabadgelyada IWM. Prof Mohamed
Jamac ayaa u iftiimiyey Jaalayadda iyo martidii ka soo qayb gasheyba Casho
sharafta isbedelka dhanka Dimoqoraadiyada iyo horumarka uu tiigsanayo
Dowlad Goboleedka Puntland ee Soomaaliyeed iyo Hanaanka Tubta-Dimoqoraadiyada
lagu gaari karo. Way jiraan arimo Dowlada hada jirta iyo Mucaaradku isku hayaan
Balse meel fiican ayay marayaan wada hadaladu oo Odayaal & Siyaasiyiin hore
ayaa gacanta ku haya xalna waa loo helayaa ayuu hadalkiisa raaciyey.
Dhanka kale wuxuu Prof. Dr Mohamed Jamac hoosta ka xariiqey
wax badan oo Dowlada Puntland iyo Jaaliyada ama Qurba-joogta Puntland oo xiriir
xumo, Xog la aan iyo kala Warqaadasho la aan ahi inay jiraan , oo inta gudaha joogtana ay aamusan
yihiin kuwa dibada joogaana waxa luraya ama dareenkooda dhibaya ay la yihiin
meeshii ay ka heli lahaayeen oo xaqiiq ah.Wuxuuna kula dardaarmey dhamaan
qaybaha kala gedisan ee Jaaliyada dibada ama Qurba-joogta Puntland inuu u
baahan yahay Dalkoodii iyo dadkoodiiba.
Intaas ka dib waxaa goobtii ka hadley qaybaha kala gedisan
ee ay ka kooban tahay Qurba-joogta ama Jaaliyada Puntland ee UK iyo qaybo ka
mid ah dalalka Yurub oo Goobta Joogey ayagoo halkaas ka sheegay talooyin iyo
dareenkooda ku aadan dalkii iyo dadkoodii Puntland Sida Oday Mohamed Cali Maad,
Dr Cabdirahmaan Canahaye, Mohamed Cali Madhoodhe , Gudoomiyaha Jaaliyada
Haweenka Puntland ee UK Faiso Cartan Boos, Dr Sahro Cabdi Muuse, Idil Xaaji
Timire, Istambuul Xassan Jabaan, Rooda Sh. Maxamed iyo marti sharaf kale.
Guud ahaan Soo dhaweyntii iyo marti gelintii ay sameeyeen
Xafiiska Eragada Puntland ee UK iyo Jaaliyada Haweenka Puntland ee UK waxay ku
dhamaatey jawi aad u heer sareeya ayagoo isfarey in qof walba oo u dhashey
Puntland iyo Soomaaliba laga doonay
Kaalintaas Wadaninimada ah ee Prof. Dr med Mohamed Jamac ee uu sameeyey ama u hibeeyey Naftiisii
dalkiisii iyo dadkiisaba.
Xafiiska dawlada
goboleedka Puntland ee UK
Faafinta waayahaa.net
