Ururka Sahal ka dib markuu daraasad iyo falanqayn dheer ku sameeyey xaalada siyaasadeed, dhaqan iyo dhaqaale ee geyiga Putlland, waxuu soo saaray baaqa hoos ku qoran kaasoo xambaarsan talo iyo tusaaleyn iyo digniin looga digaayo dadka Puntland in cadowgu ka faa'iidaysto:-

1. Waxaan ka dalbanaynaa dhammaan siyaasiinta Puntland inay wax kasta ka horumariyaan ilaalinta midinimada iyo jiritaanka Puntland.

2.  Waxaan maamulka Puntland ka codsanaynaa inuu ilaaliyo midnimada Puntland, isla markaasna in wixii khilaaf siyaasadeed ah in lagu dhameeyo wada hadal, iyo iyadoo loo noqdo sida uu qabo dastuurka u degsan Puntland.

3. Waxaan ka dalbanaynaa dhamaan isimida, waxgaradka, ganacsatada, aqoonyahanada, iyo haweenka Puntland inay wax kasta ka horumariyaan jiritaanka iyo midnimada Puntland isla markaasna si wadajir ah looga hortago wax kasta oo dhaawici kara midnimada, jiritaanka iyo haykalka dawladnimo ee Puntland ku dhisan tahay.

4. Waxaan si adag halkaan uga cambaaraynaa siyaasiinta, ururada iyo shakhsiyaadka ku hawlan inay burburiyaan jiritaanka Puntland kuwaasoo laga soo abaabulaayo gobolada kale ee koonfurta iyo waqooyiga Soomaaliya;

Ugu danbayntii waxaan cadaynaynaa inaan dhexdhaxaad ka nahay arimaha ka taagan Puntland. Sidaasi darteed, waxaan dhammaan reer Puntland xusuusinaynaa in dalka lala leeyahay isla markaasna aysan dhaawicin jiritaanka iyo midnimada Puntland kaasoo ay kusoo hirtaan gobolo iyo dad badan oo la wadaag ab iyo isir.

Walaaleyaal:

Ha shaqeeyo caqliga iyo garashadu

Ha laga fogaado in Puntland lagu celiyo mugdi iyo dagaal

Ha laga fogaado in cadowga Puntland fursad loo siiyo burburinta jiritaanka Puntland

War-saxaafadeedkan waxaa soo saaray ururka Sahal

email: sahalorginternational@gmail.com

Faafinta Waayaha.net