Garoowe(WNT)-Golaha shacabka a Puntland ayaa maanta cod aqlabiyad ah ku ansixiyay Miisaaniyadda  Puntland  sannada 2013, taas oo ay soo diyaarisay Wasaaradda Maaliyadda Puntland.

Inta uusan guluhu ansixin oo meel marin miisaaniyada sanadkan cusub ee aynu ku jiro ayey  aad uga doodeed su’aalana ka weydiiyeen Wasiirka Maaliyadda ,waxaana wasiirku sharraxaad iyo weliba faah faahin ka bixiyey miisaaniyadda sanadka cusub iyo qaabka ay soo diyaariyeen.

Miisaaniyada sanadka cusub oo bishiiba ah 96 Bilyan Sh.So. ayaa cod aqlabiyad ah ku ansixiyey 37 Xildhibaan oo Kalfadhiga fadhidey oo dhammaan u coddeeyay ansixinta Miisaaniyadda sanadka cusub ee 2013.

Guddoomiyaha Golaha Wakiiladda Puntland Cabdirashiid Maxamed Xirsi ayaa soo dhaweeyay ansixinta Miisaniyadda Puntland, waxaana uu sheegay in ay tahay mid qiyaas ah.

Dhinaca kale guddoomiyahu ka hadlayey ururka Al-shabaab ayuu sheegay in ayla doonayaan in puntland tafaraaruq laga dhex abuuro oo halyayga la dilo si intooda fayawna ay u baqdo oo ay masiirkoodii oo la baabinayo ay isha ka fiirsadaan.

“Wadanka Umadbaa go’aansatay in ay umada Jarto oo layso, oo baabi’iso oo u soo ciidantay oo u timid oo buuraha iyo birrigaba u jirta, waxaa maalin walba la jarayaa Biri-magaydadii iyo wax ku oolkii dadka waayo, waxaa la doonayaa oo dadka loo laynayaa kan fayow in uu baqo oo uusan hadlin, waxaad moodaa dad badan oo xaalada wadanku maanta ku sugan yahay aan u bislayn in ay wax badan isku dayayaan iyagoo aanan aaminsanayn ee ujeedadoodu tahay in ay cadaw wax u sahlaan laakiin koley waa aragti baan oran karnaa” ayuu yiri Guddoomiyaha Baarlamaanka Puntland.

Mar uu ka hadlayey dhinaca siyaasada ayuu sheegay in kooxo dana gaar ah leh ay doonayaan inay dadka dhex abuuraan siyaasado dana gaar ah laga leeyahay,dalka tafaraaruq lagu geliyo,waxaase uu gaashaanka u daruuray in arrintaasi ay ka soo horjeedaan baarlamankuna oo diidanyahay siyaasadaasi qalloocan.

Xafiiska wararka Waayaha.net