Afhayeenka ururka Al-shabaab oo shir jaraa’id qabtey ayaa ka hadley ammaanka Puntland, wuxuuna sheegey in ay gacan wayn ku leeyihiin sidii Puntland looga dhalin lahaa qalalaase siyaasadeed , taasoo uu ku tilmaamey mid u hiilineysa Al-shabaab.

Waxaa hadalada ka mid ahaa “Waxaan rajeynayaa in mar dhow maamulka Faroole uu iska baabi’in doono, raayada towixiidka ka taagi doonaa shareecada islaamka lagu dabaqi doono mar aand dheereyn hadii alle yiraahdo“ayuu yiri Afhayeenka Al-Shabaab Cali Dheere.

Afhayeenku wuxuu kaloo sheegey iney iyagu ka dambeeyeen Weeraradii habeyn hore ka dhacay Bosaso ee lagusoo weeraray Ciidanka Daraawiishta iyo Hotel uu ku caweynayay Wasiirka Amniga Puntland.

Cali dheere Mar uu la hadlayay Mucaaradka iyo shacabka Puntland wuxuu ku booriyey inay marakan soo dhawaatey xiligey heli lahaayeen Karaamo iyo sharaf haday u hiilayaal Wiilasha Al-shabaab.

Hadalka Cali dheeraha Al-shabaab ayaa kusoo aadaya xili ay kooxo ka tirsan Siyaasiyiin Mucaraad ah ay u goodinayaan inay isbadal siyaasadeed kasameeyaan Puntland iyagoo ku celceliyey in hadii taas la waayo ay Wax u dhimeyso amaanka Dalka.

Dhinacoodana waxaan weli  wax hadal ah ka soo saarin hadalka Sheekh Cali Dheere Dowlada Puntland ,oo maalmihii ugu danbeeyey ciidamadooda lagu qaaday dhawr weerar. 

Xafiiska wararka Waayaha.net