Degmada Goldogob ee gobolka Mudug ayaa shalay gelinkii danbe waxaa ka furmay ka furmay shir ay isugu Yimaadeen Isimada iyo Waxgaradka Gobolka Mudug kaasoo sida la shaaciyey lagaga hadlayey nabada iyo Hormarka Gobolka Mudug.

Shirkaan oo ahaa mid aad u ballaaran ayaa waxaa soo abaabulay Xarunta Nabada iyo Cilmi Baarista Geeska Africa iyadoo dhinaca Warbaahintana ay ka caawisay Shirkada Isgraadsiinta Golis Telecom Somalia.

Sida wararku nagu soo gaarayaan shirkan ayaa waxaa ka horeeyey Shirar hoosaadyo ka dhacayay Magaalooyinka Gaalkacyo iyo Goldogob oo loogu gogol xaarayay Shirkan shalay galab ka furmay degmada Goldogob.

Shirkaan ayaa Waxaa Kasoo qayb galay isimo Badan oo ay Kamid ahaayeen Ugaas Cali Ugaas Maxamed, Islaan Bashiir Islaan Cabdulle Islaan faarax , Suldaan cabdisalaan Suldaan Maxamuud, Suldaan Maxamed Suldaan Maxamuud Cilmi Calas , Suldaan Cabdirashiid Suldaan Muuse Shire Faray, Suldaan Maxamed Jaamac Shire , Islaan Xasan Cigaal, Suldaan Cabdi Bile, Ugaas Cabdulqaadir Cilmi Filig, Suldaan Axmed Maxamed Cabdulle Burtinle iyo Nabadoono Faro Badan oo ka kala yimid deegaanadda  gobolka Mudug.

Kulankaan hadal kooban furitaan ah waxaa ka jeediyey Islaan Bashiir Islaan Cabdulle isagoo Sheegay inay tahay mid lugu farxo in dhamaan dhaqankii Gobolka ay Goldogob ku dhan yihiin,waxaana u eroyinka u sheegay ajandaha shirka,iagoo sharaxaad ka bixiyey kulankani yahay kulan dhaqameed ka madax banaan siyaasad lagagana arrinsanyo nabada iyo hurumarka gobolka Mudug waa sida uu hadalka u yiriye.

Shirka ayaa waxaa soo xiray Ugaas Cali Ugaas Maxamed  oo isaga degmadiisa gogosha la dhigay,waxaana uu mahad ballaaran u soo jeediyey  odayaasha dhaqan gobolka Mudug,isagoo intaasi raciyey in shirkaani guud ahaan uu siyaasad ka madax banaan yahay,waxaanu ergada ogaysiiyey in maanta 8:00 subaxnimo la isugu yimaado halka gogoshu taal.

Xafiiska wararka Waayaha.net