Kismaayo(WNT)-Kooxo hubeysan oo aan la garaneyn ayaa xalay a magaalada Kismaayo ku dilay nabadoon laga yaqaaney magaalada Kismaayo, iyadoona aan la garanayn ilaa imika sababta dhabta ah ee loo dilay.

Nabadoonka oo magaciisa lagu soo koobay C/laahi ayaa kooxda dishay toogteen xilli uu ku sugnaa meel aan sidaas gurigiisa uga durugsaneyn ee isla  xaafadda Shaqaalaha ee magaalada Kismaayo, waxaana kooxda dilka geystay ay durbaba isaga carareen halkaasi kolkii falka gaysteen.

Allaha naxariisteen nabadoonka ayaa ka mid ahaa dadka deegaanka gobollada Jubbooyinka lamana garanayo sababta dhabta ah ee ka danbaysa dilkiisa,waxaase loo malaynayaa inay dilkiisa gaysteen ururka Al-shabaab oo dhowaan magaaladaasi lagaga awood roonaaday lagana saaray.

Ciidamada dowladda Soomaaliya iyo kuwa AMISOM ayaa howl gallo ka sameeyay halkii nabadoonka lagu dilay ee xaafadda shaqaalaha e, lama sheegin illaa hadda cid loo qabtay dilkaasi.

Dilka xalay loo gaystay nabadoon C/llaahi ayaa waxaa ka sii horeeyey dil kale oo isna dhowaan kooxo Hubeysan ay magaalada Kismaayo ugu gaysteen nabadoon kale oo isna lagu magacaabi jiray Ismaaciil Max’ed Nuur (Qalinle), isagoo ku geeriyooday magaalada Muqdisho kolkii dhawaaciiisa loo qaaday mhalkaasi si loogu soo daaweeyo.

 Magaalada Kismaayo ayaa ururka Al-shabaab waxaa uu isku dayayaa inuu ka ugaarsado dadka aqoonta leh,si ay u carqaladeeyaan maamul dhowaan halkaasi lagaga dhawaaqi doono.

Xafiiska wararka Waayaha.net