Beled Xaawo(WNT)-Degmada  Balad Xaawo ee Gobolka Gedo ayaa waxaa ka dhacay  kulan ballaaran oo ay kasoo qayb galeen  Ururada Bulshada, Haweenka, Aqonyahanada,luluma udinka iyo qaybaha kala duwan ee Bulshada ku nool Dagmada Balad Xaawo ee Gobolka Gedo. Kulankaan ayaa waaxaa soo Abaabulay  Maamulka Magaalada Baladxaawo ee Gobolka Gedo  waxaana marti ku ahaa Gudiga Maamul usameynta Jubboyinka iyo Gedo ee maalmahaanba socdaalka ku marayay Gobolka Gedo.

 Ugu Horeyn Kulankaan ayaa waxaa ka hadlay Gudiga Maamul usameynta Jubboyinka iyo Gedo  waxaayna ka warbixiyeen halka ay  marayso Maamul usameynta Jubboyinka iyo Gedo Gudiga ayaa waxaay shegeen in Maamul usameynta Jubboyinka iyo Gedo  ay marayso heerki ugu ficnaa  waxaayna shegeen in Shirweynaha Maamul usameynta Jubboyinka iyo Gedo uu ka dhici doono Magaalada Kismaayo ee Xarunta Gobolka Jubbada hoose balse ay ka horeyso in Gobol Walba  uu goonidiisa isku diyaariyo sidi uu  uga qaybgali laha Shirweynaha  Maamul usameynta Jubboyinka iyo Gedo.

War bixin Faafahsan oo Gudiga Maamul usameynta Jubboyinka iyo Gedo  u siiyay qaybaha kala duwan ee bulshada Magaalada Balad Xaawo ayaa waxaa uu gudiga wey diidayay Bulshada  Dagmada Balad xaawo sida ay u arkaan  in ay la midooban Gobolada Jubboyinka  oo ay Maamul mid ah wada samaystaan. Intaasi ka dib waxaa uu hadalki ku so wareegay qaybaha kala duwan ee Bulshada ku nool Dagmada Balad Xaawo  waxaana ugu horeyn hadlay Ururada Hawenka oo ayagu  mujiyay sida ay ugu  qanacsan yihiin dhismaha Maamul mideeya Gobolada Jubboyinka iyo Gedo waxaay shegen in ay garab istagayaan  wax walba oo ka soo baxa  Shirweynaha Maamul usameynta Jubboyinka iyo Gedo.

Sido kale waxaa  so dhaweyay  in la helo dhismaha Maamul mideeya Gobolada Jubboyinka iyo Gedo Ururada dhalinyarada Aqonyahanada iyo Culumaudiinka  Magaalada Balad Xaawo ee Gobolka Gedo waxaayna ku baqeen in Dhismaha Maamulka qayb laga siiyo Dowlada Fadaralka Somalia. Kulanka waxaa sido kale ka hadlay xubno ka mid ah Maamulka Magaalada balad xaawo ee gobolka Gedo waxaayna sheegen in Maamulada Dagmoyinka Gobolka Gedo ay diyaar u yihiin  ka qayb qadashada Maamul Goboledka Jubbaland State of somalia.

Ugu danbeyn kulanki dhexmarayay Qaybaha kala duwan ee bulashada Dagmada Balad Xaawo iyo Gudiga iskugu jira Saxiixeyaasha  iyo Gudiga Farsamada Jubbaland  ayaa waxaa uu ku soo dhamaday guul iyo isfahan ayado marki uu kulankaasi dhamaday  Gudigi Maamul usameynta Jubboyinka iyo Gedo ay u ambabaxeen  Dagmada Ceelwaaq ee Gobolka Gedo.

Xafiiska wararka Waayaha.net