Nairobi,(WNT):-Safiirka dowlada Soomaaliya u fadhiya dalka Kenya Mudane Maxamed Cali Nuur Ameeriko ayaa shaaca ka qaaday In bishaan gudaheeda dalka dib ugu laabteen ku dhawaad lix kun oo ruux.
Safiirka oo Maanta shir jaraa’id u qabtay warbaahinta ayaa cadeeyay in is badalka ka dhacay dalka keentay in inta badan dadkuu ku sugnaa dalka Kenya dalkooda .
Isaga oo xusay in dadkaasi laabteen iyada oo aan wax dhibaato ah iyo caburin ah kala kulmay ciidamada Kenya.
“ilaa lix kun oo ruux ayaa bishaan gudaheeda dib ugu laabtay gudaha dalka iyada oo aan jirin wax caburin ah”ayuu yiri Safiirka.
Safiirka ayaa intaasi ku daray in safaarada Soomaaliya maalmihii ugu dambeeyay soo gaarayeen codsiyada dadka doonaya in gudaha dalkooda ku laabtaan.
“waxaa na soo gaarayay maalmihii ugu dambeeyay codsiyo dadka ku doonayaan in gudaha dalka ku laabtaan safaaradana kaalin xoog leh ayay ka qadatay in loo fududeeyo warqadaha ay dib ugu laabanayaan”ayuu hadalkiisa sii raaciyay.
Sidoo kale safiirka ayaa beeniyay warar maalmihii ugu dambeeyay qorayeen qaar ka mid ah warbaahinta ee ahaa in dumarka doonaya in ay qaataan baasabooro dhibaato la kulmaan.
“warkaasi waa mid been abuur ah dumarka ixtiraam gaar ah ayay safaaradu siisaa waxaana howlaha la xiriira sawirka iyo fududeynta baasaboorka u qaabilsan dumar safaarada ka shaqeeya mana jirto wax dhibaato ah oo ay la kulmaan”ayuu yiri Safiir Ameeriko.
Ugu dambeyn Safiirka ayaa ugu baaqay warbaahinta madaxa banana ee xiliyada qaar wararka been abuurka ah ka sheega safaarada in arimahaasi ka waantoobaan isla markaana aanay buun buunin wax aan ka jirin safaarada dhexdeeda.
Xafiiska Wararka Waayaha.net,Nairobi-Kenya.
