Wariye salaad Xusen Maxamuud(Daacad)oo ka mid ah wariyayaasha Soomaaliyeed ee ka howlgalayay sanadihii ugu dambeeyay Magaalada Muqdisho ayaa magan galyo ka helay dowlada Norwey.

Salaad daacad ayaa ka soo shaqeeyay  Idaacado dhowr ah oo ku yaala Muqdisho gaar ahaan Idaacadii Qur’aanka Kariimka(IQK)iyo waliba Idaacada Risaala ee Magaalada Muqdisho.

“waa ku faraxsanahay in dowlada Norwey iga ogolaatay in ay magan galyo I siiso maadaama aan dalka uga soo cararay dhibaatooyinka ka jira”ayuu yiri Wariye Salaad Daacad.

Isaga oo intaasi ku daray in xili walba ka wal walo xaalada ay ku nool yihiin wariyayaasha Soomaliyeed ee ku sugan gudaha dalka gaar ahaan caasimada Muqdisho.

“runtii sida aan la wada socoto ugaarsi dhan walba ah ayaa lagu haya wariyayaasha soomaaliyeed waana ka wal wal sanahay xaalada wariyayaasha ku sugan gudaha dalka gaar ahaan Muqdisho”ayuu hadalkiisa sii raaciyay.

Tan iyo markii ay bilowdeen ugaarsiga lagu hayo wariyayasha soomaaliyeed gaar ahaan kuwa ka howlgala muqdisho waxaa sii kordhaya wariyayaasha dalka ka cararaya isla markaana magangalyo waydiisanayay wadamada Yurub halka kuwo kalena ay ku sugan yihiin qaar ka mid ah wadamada Afrika.

Xafiiska Wararka Waayaha.net