Muqdisho(WNT)— Garoonka diyaaradaha ee magaalada Muqdisho ayaa aad mashquul san  dhowrkii maalmood ee la soo dhaafay iyadoo halkaas ay ka soo degayaan maalin walba in ka badan 100 qof oo kasoo ambabaxay magaalada Nairobi ee  dalka Kenya.

Shirkadaha diyaaradaha ayaa sheegay inay kordhiyeen duulimaadyadii ay sameynayeen magaalada magaalada Nairobi  iyo magaalada Muqdisho, iyagoo taasi ku saleeyey  amar  ka yimid dalka Kenya ee ku aadan in Soomaalida aan sharciga lahayn ay dib ugu laabtaan xeryaha qoxootiga.

Qaar ka mid ah Soomaalidii ka soo laabtay dalka Kenya ayaa sheegay inay go’aansadeen inay dalkooda kusoo laabtaan ka dib markii lagu amray inay isaga baxaan dalka Kenya.

Waxaa iyana sidoo kale jira dhaq dhaqaan xooggan oo laga dareemayo magaalada Nairobi in Soomaalidu doonayaan inay halkaasi isaga dhoofaan oo ku soo laabtaan dalka Soomaaliya,iyadoo saxmad weyn lagu arkayo meelaha tigidhada laga goosto.

 Ka bixitaanka dadka Soomaalida ee dalka Kenya ayaa yimid ka dib markii ammaanku xumaaday magaalada Nairobi,iyadoo arintaasi sida wararku sheegayaan ay danbeeyaan dadka Kikuyada oo horay kursiga xaafada Islii u lahaa haddana Soomaalidu la wareegtay taasina waxay keentay inay ammaanka khal khal geliyaan madaxana loo saaro dadka Soomaalida.

Waxaa iyana xusid mudan inay dadka Kikuyadu ka danbeeyeen dhaawicii loo gaystay xildhibaan Yuusuf Xasan oo qarax lala beegsaday dad ku dhinteen isaga dhaawac uu labada lugood uu ka jabay uu soo gaaray.

Xafiiska wararka Waayaha.net