Kulankan oo ka dhacay hoolka shirirka hotelka wadigaani ku sugan yihiin ayey iskula lafa gureen halka,xaaladdu hadda meesha ay marayso iyagoo si weyn diirada u saaray maamul u sameynta gobollada Jubbooyinka.

Dadka ku dhaqan deegaanka jubbooyinka ayaa dowlada Federalka ka codsaday inay dowladu ka deyso dibin daabyada xamar ay dowladu ka soo maleegayso ,loona madax baneeyo dadka gobollada Jubbooyinka ay maamulkooda sameystaan.

Madaxdii halkaasi tagtay ayaa dadka deegaanka arrintaasi la qaatay waxaana ay ballan qaadeen inay gacan ka sii doonaan maamulka dhowaan halkaasi lagaga dhawaaqi doono, dowladuna aysan wax fara gelin ah ka gaysan doonin.

Shalay ayey ahayd kolkii Axmed max’ed Islaam (Axmed madoobe) oo ah  guddoomiyaha ku meel gaar ah ee gobollada jubbooyinka uu warbaahinta u sheegay in maamulka la dhisi doono ay u madax banaan dadka deegaanku dowladuna goob joog ka ahaan doonto,taasi oo warbaahinta qaarkeed si qaldan u fasireen.

Maamulka laga filayo in lagaga dhawaaqo gobollada jubbooyinka ayaa waxaa uu jilaafooyin aan yarayn kala kulmay dowlada Federalka iyadoo taasi lagu macneeyey dowlada oo marna ku qaracsaneyn nidaamka federalka.

Xafiiska wararka Waayaha.net