Narobi(WNT)-Guddoomiyaha maamulka KMG ah ee Jubbooyinka Axmed Max’ed Islaam oo maalmahan ku sugnaa magaalada Nairobi,ayaa saakay si deg deg ah ugu duulay magaalada Kismaayo oo la sheegay inay ku soo wajahan yihiin wafdi ka socda dawlada F Soomaaliya.

Axmed Madoobe ayaa dhowaan gaaray magaalada Nairobi oo uu halkaasi kulan kula yeeshay wafdi uu hogaaminayey M/weynaha dawlada Soomaaliya Xasan Sheekh max’ud,waxaana jira warar hordhac oo ka soo baxaya oo sheegay inay kulankooda wax miro ahi aan ka soo bixin.

Madaxweyne Xasan Sheikh  ayaa qorsheeyey inuu Wafdi wasiiro ah u diro Kismaayo xilli uu guddoomiyaha Maamulka KMG ah Axmed Max’ed Islaam uu weli ku sii sugan yahay magaalada Nairobi,howlo shaqo u joogo Dalka Kenya,waxaana tani sababtay inuu dib ugu laabto si Kismaayo si u qaabilo wafdigaasi.

Wafdiga dowlada ayaa weli dhab loo qeexin ujeedada dhabta ah ee ugu socdaan magaalada Kismaayo,waxaase la filayaa inay ku aaddantahay sidii loo kala jebin lahaa dadka gobollada jubbooyinka arinta maamul u sameynta ka midaysan.

Wixii ka soo kordha kala soco Waayaha.net