Wafdi ka socda dowladda Federalka  Soomaaliya oo heer wasiir ah ayaa saakay u ambabaxay kuwana wajahan  magaalada xeebta ah ee Kismaayo ee xarunta gobolka Jubbada Hoose,iyadoo uu jiro farqi weyn oo u dhexeeya dadka deegaanka jubbooyinka iyo dowladda Soomaaliya oo ku aadan maamul u sameynta gobolladaasi.

Wafdigan ayaa waxaa ka mid ah, wasiirka gaashaandhigga , wasiirka cadaaladda iyo wasiirka boostada iyo isgaarsiinta, waxaana la sheegay in safarkooda uu yahay mid salka ku haya sidii ay ugu kuurgeli lahaayeen xaaladda magaalada Kismaayo oo ay gacanta ku hayaan ciidamada dowladda Soomaaliya, xoogagga Raaskambooni iyo ciidamada Kenya oo qayb ka ah AMISOM.

 Waxaa jiray is maan dhaaf weyn oo u dhexeeya dowlada Soomaaliya iyo maamulka KMG ah ee hadda ka jira magaalada Kismaayo kaasi oo salka ku haya,oo dowlada oo ka caga jiidaysa maamul u sameynta gobolada jubbooyinka iyo weliba nidaamka Federalka.

Wafdigan dowlada dirtay ee u amba baxay magaalada Kismaayo  ayaa waxay noqonayaa kuwii ugu heer sarreeyay ee aada Kismaayo tan iyo kolkii halkaasi laga saray ururkii Al-shabaab oo muddo dheer halkaasi ugaxtu u taalay, iyadoo wafdigaan ay ka horeeyeen wafdi ay dowladdu u dirtay magaalada Kismaayo loo diiday inay halkaas galaan.

Dadka ku dhaqan deegaanka Jubbooyinka ayaa iyagu go,aan ku qaatay in halkaasi maamul taabba gala laga sameeyo,gobollada jubbooyinku qayb uga noqdaan maamul goboleedyada ku bahoobaya dhinaca federalka.

Waxa iyana xusid mudan dadka deegaanka jubbooyinku aad uga qawadsan yihiin habka M/weyne Xasan uu uga u wajahay arrinta gobolada jubbooyinka iyagoo qaba marna inuusan daacad ka ahayn.

Xafiiska waraka Waayaha.net