Wiilkaan oo lagu magacaabo Mahdi Xaashi oo 23 sano jir ah oo ay qoyskiisa mudaba ay war ka la'aayeen meel uu ku sugan yahay ayaa waxaa la sheegay inuu dhawaantaan ka soo muuqday maxkamada ku taala Brooklyn, New Yorka ee dalkaas Mareykanka asaga oo ay weheliyaan 2 nin oo kale oo Soomaali - Swedish oo lagu kala magacaabo Cali Yasin Axmed oo 27 jir ah iyo Maxamed Yusuf oo asagana 29 sano jir ah, ragaan oo lagu soo eedeeyey inay xiriir la leeyihiin oo ay ka tirsan yihiin kooxda maleeshiyaadka Alshabaab ayaa waxay dowlada Mareykanka ay ku eedeysay Mahdi Xaashi inuu sanooyin badani uu tababar ku saabsan dagaalka iyo wax qarxinta uu la qaatey kooxdaas Alshabaab islamarkaana uu ku lug lahaa oo uu ka tirsanaa kooxaha qorsheya ama diyaariya arimaha la xiriir is qarxinta iyo dadka naftooda haliga, Mahdi Xaashi oo dowlada Ingiriiska ay horey ugala noqotey dhalashadii wadankaas arintaas oo ay ku macneeyeen dadka u dooda xaquuqda aadanaha mid ay dowlada Ingiriisku ugu fududeyneysay dalka Mareykanka inay siday doonaan ka yeelaan ninkaas maadaama uu dhumiyey xaquuqdii muwaadinimo ee dalkaas Ingiriiska.

Ugu dambeyntiina iyadoo garyaqaanka u doodaya ninkaas oo lagu magacaabo Saghir Hussain uu ku timaamay waxa dhacay mid lala yaabo islamarkaana la isweydiin karo inta ay le'eg tahay doorka ay dowlada Ingiriiska ka qaadatey inay dalkaas Mareykanku ay xoog iyo afduubasho ku wataan ninkaas ayaa sidoo kale waxaa arintaas murugo iyo wel wel weyn ka muujiyey qoyska ninkaas ay FBI Mareykanku afduubteen iyagoona meesha ka saarey inuu wiilkoodu ku lug leeyahay waxa lagu eedeynaayo, Ninkaan ayaa waxaa horey uu u sheegay inau kol hore ay soo wajaheen qaar ka mid ah sirdoonka dalkaas Ingiriiska ee MI5 oo ayna ka codsadeen inuu u soo jaajuuso qaar ka mid ah muslimiinta dalkaas Ingiriiska arintaas oo uu ka biyo diiday taasna ay tahay mida ilaa iyo hada loo heysto, ninkaan ayaa waxaa la sheegay inuu horey ugu xirnaa xabsi ku yaala dalka Jabuuti intaan loo dhoofin dalka Mareykanka iyadoona dacwadiisa la qaadi doono dhamaadka sanadka soo socdo.

Halkaan ka daawo: http://www.youtube.com/watch?v=UTkpqrCl8vg

Abdirizak M. (Xiireey)

Holland

Abdirizakxiireey@hotmail.com