Garoowe(WNT)-Waxa xalay lagu dilay magaalada Garoowe ee xarunta Maamulka Puntland  sarkaal sare oo ka tirsanaa ciidamada Booliiska Puntland,iyadoo dilkiisa ay gaysteen kooxo afka duubtay oo aan la garaneyn.

Allaha naxariistee Cabdullaahi Xuseen (Gaal dile) oo ka tirsanaa Saraakiisha Booliiska ee Puntland  ayaa ka mid ahaa ciidamadii hore Booliiska Soomaaliya ragga fara ku tiriska ah ee ka sii harsan,waxaana uu magaalada Garoowe ka shaqaynayey muddo ku dhow 35 sano.  

 Allaha Naxariistee C/llaahi Xuseen (Gaal Dile) ayaa kolkii la dilayey isaga afadiisu u adeeg tageen magaalada,waxaana kooxo aan la garaneyn 3 xabadood la beegsadeen isaga oo markaas furanaya gaarigiisa albaabkiisa,waxaanu ku geeriyooday isla goobtaasi.

Marxuumka ayaa ahaa nin dhib yar magaalada aad looga yaqaanay,waxaana ahaa nin aan weligiis qof binu aadam dembi ka galin dadka oo dhan saaxiib qaaliya la ahaa,waxaana dadku is weydiinayaan muxuu ka galabsaday kooxaha dilkiisa gaystay?.

Dadka  ku dhuqan magaalada Garoowe ee yaqaaney C/llaahi Xuseen ayaa tacsi tiiraayo leh gaarsiinaya, qoyskii iyo qaraabadii uu ka geeriyooday,waxana ay illaahay u weydiinayaan inuu janaddii firdowsa ka waraabiyo.

Waxa kale dadka deegaanku illahay weydiisteen inuu kashifo kuwii dilka xaq darada ah gaystay siduu u  siduu rabi u kashifay kuwii dilay wadaadkii Soomanaa ee isagoo salaada subax tukaday lagu dilay magaalada Boosaaso.

Xafiiska wararka waayaha.net