Taliska Ciidanka Badda Puntland ‘’PMPF’’ ayaa  ka hadalay faahfaahin dheeraad ahna ka bixiyey hawlgalo todobaadkan ay ka wadeen deegaanka Garacad ee degmada  Jarriiban ee gobolka Mudug oo ay sheegeen in khasaare xoog leh gaarsiiyeen koox burcad badeed halkaasi markab ku haystey ayna hataan go’doonsan yihiin.

Admiral Cabdirisaaq Diiriye Faarax oo taliyaha Ciidamada Badda Puntland ayaa warbaahinta u sheegay in saddex ka tirsan burcada ay dileen halka afar kalena ay gacanta ku dhigeen ,isagoointaasi raaciyey in Ciidanka badda ay saddex askari ka dhaawacmeen.

Admiral Cabdirisaaq ayaa rajo ayaa ka muujiyey taliyuhu inay ku guuleysan doonaan soo daynta dadka  afduub lagu haysto muddo  o iyo dheeraad ah,dadkaasina ay dhibaato ku hayeen.

 Shalay ayey ahayd kolkii ciidamada badda Puntland ay qaadeen howl gal dhiig ku daatay oo isku daygiisu ahaa in soo furtaan markab laga leeyahay dalka isu tagga imaaraadka carabta oo muddo 2 sano iyo dheeraad ah ay haysteen burcad badeed isaga shaqaalihii saarnaa.

Katankii markabkaan oo dhashay dalka Yemen ayaa horay waxaa u dilay burcad badeeda Soomaalida,waxaana hadda ay gacanta ku hayaan in kabadan 20 shaqaale ah oo ka soo kala jeeda dalal kala duwan oo dunida ah.

Xafiiska wararka Waayaha.net