Madaxweynaha Soomaaliya, Xasan Sheekh Maxamuud ayaa sheegay inaysan wadahadal ah la galayn ururka Al-shabaab iyo Al-Qaacida inta ay hubka wataan,laakiin haddii ay ka tanaasulaan fikirkooda ayna soo dhaweynayaan  labada gacmood ku qaadayaan.

Madaxweynaha ayaa mar uu waraysi siinayeylaanta afka Soomaaliga ee BBC-da, ayaa sidoo kale ka hadlay wadahadalladii u dhexeeyay dowladda Soomaaliya iyo Soomaaliland,waxaanu sheegay in wada hadaladaasi sii socon doonaan rajana uu qabo inay mira dhalaan.

"Dagaalyahannada shisheeye ee Al-shabab ka mid ah ama Al-Qaacida ka tirsan ee Soomaaliya) ku sugan wax wadahadal ah nagama dhexeeyaan waxa naga dhexeysa oo keliya inay dalkeenna nooga baxaan. Dhallinyarada Soomaalida ah ee ka mid ah Al-shabaab haddii ay hubka dhigaan waan soo dhaweynaynaa, balse inta ay hubka wataan oo ay aamisan yihiin dalkan dunida ayuu ka dhexeeyaa iyo inay wax dilaan ama qarxiyaan waan iska dhicinaynaa," ayuu yiri  madax weyne Xasan Sheekh.

 Waa markii ugu horaysay oo madaxweyne Xasan Sheekh max’ud uu sii jeex jeexan uga hadlo fikirka uu ka qabo ururka Al-shabaab,waxaana uu carabka ku adkeeyey inay in nabaddu hubkoo la dhigo ku xaran tahay.

Xafiiska wararka Waayaha.net