Garoowe(WNT)-Koox Ismo a ah oo dhowaan ka soo laabtay magaalada Muqdisho ayaa soo gaaray magaalada Garoowe ee xarunta dowlada Puntland,waxaana si diiran u soo dhoweeyey bulshada ku dhaqan Garoowe.

Wafdigaan oo uu hogaaminayey Burhaan Boqor Muuse ayaa oo ah wakiilka Borqor C/llaahi Boqor Muuse (King Kong) oo hadal kooban ka jeediyey hotel ku yaal magaalada Garoowe ayaa sheegay inay aad ugu faraxsan yihiin inay dalkooda dib ugu soo laabteen 8 bilood ka dib,waxaana carabka ku dhuftay inay ku soo guulaysteen hawshii meesha ay u tageen ee dhismaha dawlada hadda jirta ee Soomaaliyeya.

Dhowaan ayaa magaalada Gaalkacayo lagu soo dhoweeyey koox isimo ah oo reer Puntland ah baaqina ku sii ahaa magaalada Muqdisho,waxaana 3-dii beri oo la soo dhaafay ay ku sugnaayeen magaalada Gaalkacayo.

Isimadan oo ka mid ahaa rag rag isimo ah oo loo xulay ka qayb galka dhismaha Baarlamanka hadda jira iyo ansixinta dastuurka ayaa ku kala jabay magaalada Muqdisho,iyadoo raggii ugu miisaanka cuslaa halkaasi isaga soo dareereen,waxana halkaasi ku harsanaa isimadan maanta Garoowe soo gaaray.

Maalmihii ugu danbeeyey ayay kulamo kula lahaayeen magaalada Gaalkacayo dadka deegaanka iyo weliba rag mucaarad ah, oo ku sugan magaalada Gaalkacayo,waxaana sidoo kale laga yaabaa inay Garoowe muddo sii joogaa,kulamana dadka deegaanka la yeeshaan.

Xafiiska wararka Waayaha.net