Telefishin  laga leeyahay  dalka Australia ayaa soo bandhigi doona barnaamij ku saabsan Puntland iyo madaxweyne Faroole,barnaamijka ayaa waxaa maalisay Special Broadcasting Service “SBS” oo soo saarta barnaamijyo telefishin loogu talogalay dadka ku nool Australia.

Barnaamijku ayaa sida la sheegay lagu  soo bandhigayaa ololihii isbeddel-doonka oo uu madaxweyne Faroole ku hantay maamulka Puntland oo ay halistu kaga timid burcad-badeed iyo xagjir  hubeysan oo ” argagixiso ah”.

Barnaamijka oo magaciisa la yiraahdo Welcome to Puntland waxaa iyana uu muujinayaa sida madaxweyne Faroole oo dhalasho Australia hasyta uu  ugu guntaday adkaynta  ammaanka maamulka  Puntland iyo ku adkaysiga hirgelinta habka federaalka oo uu u arko mid  Soomaaliya dib ugu ridi kara waddadii dib u curashada.

Madaxweyne Faroole ayaa loo doortay xilka madaxweynenimada Puntland bishii Janaayo 2009kii. Wuxuu ku guuleystay hirgelinta habka xisbiyada badan. Inkastoo hal sano loogu daray waqtiga uu haynayo xilka madaxweynaha, waxaa xal loo helin oo taagan dood qaar ka mid ah la-loollamayaashiisu soo jeediyeen oo ay ku diiddan yihiin kordhinta waqtiga maamulka madaxweyne Faroole haynayo xilka.

Madaxweyne Faroole ayaa daliishanaya  shirkii lagu ansixiyay dastuurka inuu ahaa waddada loo maray kordhinta waqtiga sanad ah, Waa dood dastuuri ah oo maxkamadaha Puntland ay eegi doonaan haddii  Dr Saadiq Eenow oo ah madaxa ururka Midnimo,   sida uu sheegay, maxkamadda Puntland u gudbiyo su’aalo ku saabsan tiirarka sharciyeed ee muddo-kordhinta maamulka hadda ka arrimiya Puntland.

War bixnta oo English halkan ka akhri: http://www.sbs.com.au/news/article/1718003/SBS-commissions-four-new-documentaries