Bonn(WNT)-Boorso ay ku jiraan wax yaabaha qarxa oo la dhigay xarun tareen oo u taal magaalada Bonn ee dalka Germany ayaa loo xiray laba Soomaali ah,oo laga shakiyey inay  arrintan iyagu maleegeen.

Labada nin ayaa la siidaayey ka dib markii falkaasi lagu waayey,waxaana la sheegay inay is waafiqi wayday tilmaan sawireed la siiyey ciidamada Booliiska iyo labadan nin ee la xiray oo ah 30 jir iyo 35 jir,waxaana la sheegay inuu tilmaantaasi bixiyey wiil yar oo 12 jir ah.

Labada Soomaali ah oo la xiray ayaa mid ka mid ah horay loogu xiray falal la xiriira dhanka argagixisada,waxaana la sheegay isaga iyo nin kale ay doonayeen inay u safraan dalka Pakistan.

Qareen u doodayey mid ka mid ah raga la xiray ayaa warbaahinta u sheegay in Omar D.. ay war  baahintu xirtay,laakiin waa diiday qareenku inuu intaasi faah faahin ka badan bixiyo.

Boorsadan looga tegay ee laga shakiyey ayaa khal khal weyn ka abuurtay isu socodka tareemada dalka Germany,iyadoo xilligu ku aadanaa kolkii shaqooyinka laga rawaxayey.

Xafiiska wararka Waayaha.net