Ururka Midowga Afrika ayaa sheegay in ciidamadooda ku sugan
Soomaaliya ee AMISOM ay difaaci doonaan,waxay ku tilmaameen xuquuqul aadanaha
Soomaaliya,iyagoo hadalkaasi ku beegay munaasab shalay la qabtay oo aadanayd
maalinta xuquuqda aadanaha.
Ergayga gaarka ah ee Midowga Afrika u qaabilsan arrimaha
Soomaaliya, Maxamed Annadif ayaa intaasi raaciyey in AMISOM ay ka go'an tahay
inay difaacaan xuquuqda dadka Soomaaliyeed, isagoo hoosta ka xariiqay inay ka
shaqeynayaan sidii deeqaha loo gaarsiin lahaa dadka baahan iyo in colaadda
Soomaaliya tagaan la soo afjaro si Soomaalidu nabad ugu noolaato.
"AMISOM waxay maanta ka caawinaysaa dowladda Soomaaliya
sidii lagu sugi lahaa ammaanka deegaannada dalka is ay shacabku ugu noolaadaan
nabad iyo xorriyad," ayaa lagu yiri war bixin ka soo baxday xafiiska
Nairobi ee AMISOM uuna ku saxiinaa Annafi.
Dhanka kale Max’ed Annafi ayaa sheegay in ciidamada Midowga
Afrika ee Soomaaliya ku sugan ay kala shaqeynayaan ciidamada booliiska
Soomaaliya sidii ammaanka loo adkeyn lahaa, si looga hortago dilalka loo geysto
weriyeyaasha.
"AMISOM ma ogolaan doonto in la dilo qof Soomaali
ah," ayuu yiri mar kale Annadif oo intaas ku daray "Waxaanu shiishka
saaraynaa sidii loo dhisi lahaa awoodda booliiska Soomaaliya si ay u difaacaan
shacabka."
Magalada Muqdisho ayuu sheegay inay ku sugan yihiin ciidamo
booliis ah oo ka tirsan kuwa AMISOM,waxna bara Booliiska Soomaaliya.
Xafiiska wararka
Waayaha.net
