Nairobi,(WNT):-Safiirka dowlada KMG ah u fadhiya dalka Kenya Mudane Maxamed Cali Nuur Ameeriko ayaa xalay boqday isbitaalada ay ku jireen dadkii ku dhaawacmay qaraxii ka dhacay masjid ku yaala Xaafada Islii ee Magaalada Nairobi.

Safiirka oo booqashadiisa la xiriirtay sidii uu u ogaan lahaa xaalada dadka ku dhaawacmay qaraxaasi ayaa la sheegay in mid xaladooda u wareystay bukaanadii isbitaalka jiiftay.

Maxamed Cali Ameeriko oo booqashadiisa ka dib la hadlay warbaahinta ayaa sheegay in uu aad uga xun yahay falkii xalay ka dhacay masjid ku yaala xaafada islii ee Magaalada Nairobi.

"waa arin aad looga xumaado falkaasi waana cambaareynaynaa dadkii ku dhintay waxa allah uga baryayaa in uu janadii ka waraabiyo halka kuwa dhaawacmayna uu dhaqsi bogsiiyo"ayuu yiri Safiirka.

Safiirka ayaa sidoo kale sheegay in uu booqday Xildhibaan Yuusuf Xasan isla markaana allah uga baryay caafimaad taam ah.

"waxaa sidoo kale booqday xildhibaan Yuusuf Xasan oo ku dhaawacmay Qaraxaasi xaladiisa hada way wanaagsan tahay allahana caafiyo"ayuu hadalkiisa sii raaciyay.

Qaraxii bambaano ee xalay ka dhacay masjidka Alhidaaya ee xaafada islii ayaa ahaa mid ka dhashay khasaarooyin isugu jiray dhimasho iyo dhaawac.

Xafiiska Wararka Waayaha.net,Nairobi-Kenya.