Nairobo,(WNT):-Khasaare isugu jiray dhimasho iyo dhaawac ayaa ka dhashay qarax xoogan oo xalay ka dhacay Masjid ku yaala Xaafada Soomaalidu ku badan tahay ee islii.

Qaraxaan ayaa la xaqiijiyay in uu ahaa Bam Gacmeed la soo tooray isla markaana lala beegsaday Xildhibaan Yusuf Xasan oo ka mid ah xildhibaanada baarlamaanka Kenya.

Xildhibaanka oo laga soo doortay deegaanka Kaama Kunji ayaa qudbad u jeedinayay dadka Soomaalida ah ee masjidkaasi ku tukanayay isaga oo ka codsanayay in dib codkooda u siiyaan.

Inta la xaqiijiyay 3-ruux oo Soomaali ah ayaa ku geeriyooday halka 10-kale oo ay ku jireen xildhibaanka iyo qaar ka mid ah ilaaladisi ay ku dhaawacmeen.

Xaalada Islii aya xalay iyo saaka ah mid aad u kacsan isla markaana ay soo buux dhaafiyeen ciidamo aad u farabadan.

Wixii ku soo kordha kala soco wwww.waayaha.net

Xafiiska Wararka Waayaha.net,Nairobi-Kenya.