Wasiirkii hore ee Amniga Puntland Gen. Cabdullahi Saciid
Samatar ayaa maanta Bosaso ka soo degay garoonka diyaaradaha magaalada Boosaaso
ee Badar Qaasim ,ka dib markii muddo dalka dibadda kaga maqnaa.
Maanta ayaa Gen:Samatar laguso dhaweeyey Magaalada Boosaaso,
waxaana loo badinayaa inuu u gudbi doono magaalada Qardho maalmo ka dib.
Gen: Samatar ayaa ka mid ah Mucaaradka Puntland ee loolanka
siyaasadeed ku jira,waxaana laba qar oo kala fog kala saraaran isaga iyo
maamulka hadda talada haya,waxana Samatar qabaa in qaabtii qabiilka dib loogu
laabto.
Magaalada Boosaaso ee
xarunta ganacsiga Puntland waxaa ku sugnaa Madaxweynaha Dowlada Puntland
iyo Wafdi uu hogaaminayo oo lagu wado iney joogan ilaa Isniinta,lamana oga inay
is arki doonaan Madaxweynaha iyo C/llaahi Siciid Samatar.
Waxaa jira warar soo baxaya oo sheegay inay inuu jiro isu
soo dhowaan ka dhexaysa laba dhinac oo awal horay u kala fogaa,waxaana wararku
intaasi ku darayaan in C/llaahi u qabsan doono toobiyaha dimoqraadiyeynta hadda
Puntland ay qaaday.
Xafiiska wararka
Waayaha.net
