Kismaayo(WNT)Cunto Qeybin Xiriir ah oo labadii Maalin ee u danbeeysay gudaha Magaalada kismaayo ka fulisay Ha’yada Maxaliga ah ee Yagleel Humanitarian And Development Organiztion.

Waaxa maalintii shalay aheyd  iyo maantaba siyaabo kala duwan raashiin qeybin gudaha magaalada kismaayo uga sameeysay hayada maxaliga ah ee Yagleel marka magaceed lasoo gaabiyo loo yaqaano (Y.H.D.O) oo fadhigeedu yahay magaalada kismaayo.

Waxaana raashiinkan si siman loogu qeybiyay dhamaan kaamamka kuyaalo xaafadaha kala gadisan ee katirsan magaalada kuwaasi oo ay magan galeen dad barakacayaal ah iyo kuwo danyar ah oo aana awoodin ku noolashaha goobo kale oo ku yaalo magaalada.

Sidoo kale kaamamkii raashiinkan ka gudoomay hay'ada yagleel ayaa waxaa tiro ahaan noqdeen 70 kaam oo ayagu isugu jira kaamam hore ugu yaalay magaalada halka kuwa kalana dhawaan dhisteen dad kaloo tabaaleeysan kuwaasoo  kunool guud ahaan kaamamkan 24 kun oo qoys waxayna hay'adda yagleel gaarsiisay 12 kun oo kiish oo qamadi ah.

Tirada dadka ku dhaqan xerooyinka raashinka laga qeybiyay ayaa noqoneeysa kuwii ugu badnaa ee abid la caawiyo marka dib loo eego tariiqda caawimada kaamamka ku yaalo magaalada Kismaayo, ayadoona xusid mudan tahay in hay'adan Yaglel ay hoggaan u noqotay dhamaan haayadaha samafalka ee ka howlgala gudaha Somalia.

Hay'ada Yagleel ayaa noqotay hay'adi ugu horeeysay ee ku dhiirata ineey gar gaarto dadka ku dhibaateeysan xerooyinka ku yaala kismaayo kuwaasi oo wax gar gaar ah aanan ka helin hay'adaha gargaarka tan iyo markii xarakada al_shabaab ay gacanta ku dhigeen gobalada Jubbooyinka.

Ugu danbeentii gudoomiyaha hayada yaglel kismaayo Cumar Ali Yuusuf ayaa waxuu si gaar ah gar gaar u siiyay dhibanayaal da’yar kuwaasoo iyaguna ku noolaa gudaha magaalada waxaana kamid ahaa maxamed yare oo ah wiil yar oo asagoo labada gacmood ka go’an dhashay iyo wiil kale oo curyaan ah.

C/fitaax Sahal Indhacade 

www.waayaha.net

Kismaayo-Somaaliya