Tahran-dalka Iran ayaa shaaca ka qaaday inay qabsadeen diyaarad nooca aan duuliyaha aan lahayn ah oo laga leeyahay,dalka Maraykanka ka dib markii hawadooda ku soo xad gudubtay oo ay soo gashay sida lagu sheegay warbaahinta dalkaasi.

Diyaaradan oo lagu magacaabo The ScanEagle Drone ayaa ahayd mid xog ururin ka waday biyaha badda carbeed,waxaana ay soo gashay hawada dalka Iran,waxaana qabtay ciidamada xarusul kacaanka,sida maanta oo Talaado ah ay qortay wakaalada wararka ee Fars News iyadoon wax faah faahin oo kale aan bixin.

Bishii la soo dhaafay ayey ahayd kolkii dawlada Maraykanku ay sheegtay in diyarad ay leeyihiin oo hawada caalamiga ah ku jirtay ay bur buriyeen ciidamada cirka dalka Iran,waxaana Iran sheegtay inay hawadooda ku soo xad gudubtay.

Diyaarada ScanEagale ayaa waxaa sameeyey shirkada Boeing ,sida lagu soo qoray bog shirka leedahay,waxaana intaasi ay raaciyeen in diyaarada dhererkeedu ahaa 4FT balaceedduna ahaa 10FT.

Waxaa jirta xurguf aan daawo lahayn oo u dhexaysa dalka Maraykanka iyo dalka  Iran,oo dalka Maraykanku ku macneeyeen inay  sanaymaysanayaan, hubka wax gumaada laakiin qorsha ka danbeeyaa uu yahay ilaalinta Yuhuuda ku dhaqan bariga dhexe.

Xafkiiska wararka Waayaha.net