| |
| urur siyaasadeed cusub oo Boosaaso lagaga dhawaaqay |
Magaalada Bossaso ee xarunta Ganacsiga Puntland ayaa maanta 03 December ,2012 looga dhawaaqey urur siyaasadeedka UGUB oo loo soo gaabiyey Ururka Gobollada Umadda Bahoodey.
Gudoomiyihii hore ee gobolka Sanaag Maxamud Siciid Nuur ‘’Dabeyl’’ ayaa ururkan gudoominaya ,waxana xaflada lagu dhawaaqey ka soo qaybgalay Issimo ,Culimo ,Ganacsato ,dhalinyaro iyo qaybaha kale ee bulshada Gobolka.
Waxa uu sheegey Dabeyl in Bossaso ay xarun tahay Ururka UGUD oo ku soo biirey saaxada siyaasaded ee dalka ka dib kan Dowladda ee Horseed oo dhowaan dhankiisa Garowe lagaga dhawaaqey.
‘’Aad bad u mahadsantihiin ,wan soo dhoweyneynaa dhamaan bulshada ,Dowladda iyadaa noo bilowdey tartanka ,axsaabta kale wan ku faraxsanahay inay nagala soo qaybgalaa’’ ayuu yiri Gudoomiye Dabeyl.
Nabadoon Caraale Siciid iyo Suldaan Cabdilaahi Jeenicad ayaa soo dhooweeyey urur siyaasadeedkan qayb ka noqonaya dadaalka Puntland uga baxayso nidaamkii wax ku qaybsiga Qabiilka oo in badan lagu soo dhaqmayey.
Waa urur siyaasadeedkii ugu horeeyey oo Puntland looga dhawaaqo ,waxana sida la sheegey jidka ku soo jira kuwo kale dhowaan oo ku soo beegmaya xili ay muddo kooban ka dhimantahay diiwaagelinta ururada iyo axsaabta siyaasada Puntland.
|
|
|
