Dhanaane(WNT)- Wararka imaanaya deegaanka Dhanaane ee Degmada Afgooye ayaa sheegaya in  ay duqeyn xagga madaafiicda ah u gaysteen ciidamada AMISOM ee fadhigoodu yahay degmada Afgooye.

Wararku waxay intaas  ku darayaan in ciidamada AMISOM ee saldhiga ku leh deegaanka Carbiska ay duqeeyeen deegaanka Dhanaane ee oo iyana hoos timaada degmada Afgooye  oo la rumesan yahay in ay ku sugan yihiin qaybo ciidamo ah oo ka tirsan ururka Alshabaab.

Lama oga khasaaraha dhabta ah ee duqayntaasi gaysatay,waxaase dadka deegaanka afgooye ay xalay maqlayey hugunka iyo hanqarka madaafiicda halkaas lagu garaacayey oo la rumeysan yahay in saldhig ay ku leeyihiin ururka Al-Shabaab.

Weli wax war ah kama soo bixin ciidamada AMISOM waxaase maamulka degmada Afgooye xaqiijiyey in duqayntaasi jiro wax faah faahinana kama bixin.

 DHinaca kale dadka ku sugan deegaanka dhanaane ayaa la sheegay inay xalay halkaasi isaga qaxeen kolkii madaafiic roobka lagaga dhigay lamana soo sheegin wax khasaare ah oo halkaasi ka dhacay.

Tan intii ururka Al-shabaab lagaga tabar roonaaday deegaankaasi ayaa waxaa socday ugaarsi ay wadaan ciidamada AMISOM iyagoo weerar ku qaadaya hadba meeshii loogu sheego ururkaasi Al-shabaab.

Xafiiska wararka Waayaha.net