Ceelbarde(WNT)-Dagaal khasaare gaystay ayaa ka dhacay degmada Bardaale ee gobolka Bay kaasi oo u dhexeeya ciidamada dawlada iyo kuwa ururka Al-shabaab.

Inta la xaqiijyey ilaa 5 ruux ayaa ku dhimatay dagaalkaan oo ahaa mid aad u xoogga,waxaanna mas'uuliyiinta gobolka Bay iyo ururka Al-shabaab  midba dhiniciisa gaar ugu sheegtay inay iyagu weerarka qaadeen, iyadoo guddoomiyaha gobolka Bay uu sheegay in howgalkaas ay ku dileen sarkaal sare oo ka tirsan  ururka Al-shabaab iyo afar xubnood oo kale.  

C/fitaax Max’ed Geesay  guddoomiyaha gobolka Bay ayaa intaasi ku daray in sarkaalka ay ku dileen howgalka uu horay u ahaan jiray taliyeyaasha booliiska gobolka Bay, balse uu ku biiray Al-shabaab uuna hadda ahaa mid ka mid ah hoggaamiye yaasha ururka Al-shabaab.

Dhiacoodana ururka Al-shabaab ayaa  sheegatay inay iyagu weerar ka ku qaaday ciidammada dawlada, ayna halkaas ku dileen tiro badan oo ciidammo ah, inkastoo aysan caddayn khasaaraha gaaray inta uu leegyahay.

 Wararka ku aadan dagaaladan ayaa sheegaya in khasaaruhu intaasi ka fara badanaa magaalada Baydhabana la soo gaarsiiyey tiro badan oo dhawac ah.

Gobolka Bay ayaa weli waxaa ku xoog weyn ururka Al-shabaab,marka laga reebo magaalooyinka oo ay la wareegeen ciidamada dawlada iyo kuwa Ethiopia oo isku jaal ah.

Xafiiska waraka Waayaha.net