Baydhabo(WNT)-Maxaabiis ku xir xirayd  xabsiga magaalada Baydhabo oo looga shakisnaa inay ka tirsanaayeen ururka Al-shababa ayaa ka baxsay xalay xabsiga degmada Baydhabo ee xarunta gobolka Bay, iyadoo mas'uuliyiinta gobolkaas ay u sheegeen warbaahinta inay socdaan baaritaanno la xiriira sidii maxaabiistaasi oodda u jabsadeen.

Wararka hordhac ah oo soo baxaya ayaa shaaca ka qaaday in maxaabiistan ay jabsadeen darbiga xabsiga, halka  warar kalena ay oranayaan in gacan ay ka helleen saraakiisha xabsiga ilaalisa ayna u fudeeyeen inay xabsiga ka baxsadaan, iyadoo tani ay noqonayso markii labaad oo xabsiga baydhabo ay ka baxsadaan maxaabiis loo haystay inay ka tirsan yihiin ururka Al-shabaab.

Ciidamada dowladda ayaa maalmihii ugu dambeeyay howgallo lagu soo qabqabtay dad fara badan oo lala xiriirinayo inay Al-shabaab ka tirsan yihiin ka sameyey degmada Baydhabo iyo daafaheeda.

Waxaan iyana dhinacooda wax hadal ah ka soo saarin mas'uuliyiinta xabsiga degmada Baydhabo oo la xiriira maxaabiistan baxsatay, inkastoo wararku ay sheegayaan in weli xabsigaas ay ku jiraan maxaabiis kale oo qaarkood loo haysto inay Al-shabaab ka tirsan yihiin.

Maxaa xarunta ah ee Baydhabo waxay ka mid tahay degmooyinka ay ciidamada dowladda oo kaashanaya kuwa Ethiopian ay ka saareen ururka Al-shabaab,waxaana tan xilligii magaalada laga qabsaday ururka Al-shabaab ay wadeen dagaal iyo qorshayaal abaabulan oo kaga soo horjeedaan ciidamada isku dhafka ah .

Xafiiska wararka Waayaha.net