Nairobi(WNT)-Muuqaal ay dhowaan la daawaday oo ay soo dayeen wakaalladaha wararka ayaa lagu arkay muqaal argagax leh ciidamada milatariga Kenya oo qof aan hubaysneyn si xun u garaacaya isaga oo dhulka yaalla.

Ninkaan ayaa kolkii la garaacayey waxaa la waxaa la weydiinayey su,aalo ku saabsan waxaa uu ka ogyahay Al-shabaab isagoo afka Sawaxiliga lagu hadlayey.

Nin u hadlay ururka Al-shabaab oo fariin ku soo diray aallada Twinter-ka ayuu ku sheegay sida dawlada Kenya ay muslimiinta ugu xad gudbayso una silcinayso,waxaanu intaas ku daray in dawlada Kenya buraashada u biyeysatay dagaal ka dhan ah islaamka.

Afhayeenka ciidamada Kenya Col. Cyrus Oguna oo dhacdadan ka hadlayey ayaa sheegay inay baarintaan ugu jiraan sidii ay loo aqoonsan lahaa laba nin ulo lagu garaacayey iyagoo dhulka yaallana su,aalo la weydiinayey,waxaa ay ka ogyihiin ururka Alshabaab.

Ciidamada Kenya ayaa gudbay xudduuda Soomaaliya sanadkii aan ka soo gudubnay iyagoo dagaal kula jira ururka Al-shabaab,ka dib markii xuduudeeda ay ka dhaceen dhacdooyin fara badan oo ammaankeeda wax u dhimaya.

Xafiisak wararka Waayaha.net